Pope Francis nih (World Refugee Day) ni ah Myanmar ram caah bawmhhal nawlnak a tuah

Myanmar ram ral zam hna ttahnak awthawng he pehtlaiin Biakinn hna cu i dornak le himnak a pe kho tu hmunhma si dingah hman dingin Pope Francis nih Zarhpi ni thawngttha a chim caan ah a a langhter. Zarhpi nih ah Myanmar ram um Bishop hna bomh halnak thawngin Vatican in Pope Francis nih minung pakhat le pakhat zawn i ruah thiamnak in harsatnak tei khawhnak ding caah “Ral zam hna ni” (World Refugee Day) niah a chim.

“Myanmar ram chungum minung thong tampi hna cu kahdohnak ttih ruangah inn le lo kaltak in an i tthenthek dih hna i mah umnak inn hmanh ah kir ngam ti loin an um hna. Ralkap lei nih February thla thok in nawl ngeihnak an lak hnu ah Daw Aung San Su Kyi le a phu hna nawl ngeihnak in an thlak hna i atu ahcun hremnak le hrawh-thahnak hna zong khuate lei tiangin an tuah cang” tiah a chim. CDM cawlcanghnak phu zong nih mah duh in nawl la tu hna doh dingin an hung chuak ve i CDM a tuah mi hna zong cu ralkap lei nih an tlaih hna i thihnak pek tiangin an hrem hna.

Asian Bishop hna hal mi “Thih deng tiangin an pawttam an ti halnak” aw thawng vawlei pi nih biatak tein an hnakar ah an tenh piak hna ding zong, Zarhpi nih ah hin abikin a chim i a langhter. Humanitarian phu hna zong nih har a tong lio mi hna sin an panh khawh i bawmhnak an pek khawh hna nak hnga ding le biaknak lei hman mi Biakinn siseh, pura siseh, mosques siseh, sianginn siseh, siizung siseh upat ding le har a tong mi hna nih i dor khawhnak hmun ah hman khawh dingin nawl latu phu hna sin zongah nawlnak bia a langhter.

https://bit.ly/3gFSg4I