Mithiang Bonaventure

July, 15

ST. BONAVENTURE (BISHOP, BIBLE THIAMSANG)

 Vancungmi Serabim he a pehtlai mi Bible lei thiamsang tiah minthang mi mithiang Bonaventure cu Italy ram Batnawregeo ah a chuak. Kum 22 a ti ah Franciscan bu ah a lut i a min zong kha John in “A nuammi hmai lei” tiah sullam a ngeimi Bonaventure tiah aa thlen. Amah cu fimthiamnak kha dihtiang cawn dingah Paris khua ah an thlah i St. Thomas Aquinas he a ni thei. St. Thomas Aquinas nih fimnak hrampi cu zeidah a si tiah a hal tikah amah nih vailamtung kha a sawh piak.

Amah nih hawihlei in hmaipanh tein a um zungzalnak cu a chim`heu mi “Thlarau lei lawmhnak cu minung thlarau ah hin aa thupmi Pathian velngeihnak a sangbik mi hmelchunhnak a si” ti mi bia kha theihhngalh pi nak a si. Bonaventure cu kum 35 a ti ah Franciscan bu i hruaitu ah an thim hnu ah an bu chungah sifah innak biakam kha a phunphun in suallam an chimnak ruangah lungawtawm in i `hennak kha a remh `han hna. Nikhat cu a rak lengmi St. Thomas nih St. Francis kong (biography) lungthin bunh in a `ial mi Bonaventure kha thlalang awng zawn in a hei hmuh.

Cutikah Thomas nih “Mithiang kha mithiang caah a `uan khawhnak dingin chia ko hna usih” tiah a chim i ka dang ah a kal. 1273 kum ah Pope Gregory X nih Bonaventure kha Cardinal pek awkah kuzale a cheu kha Rome khua in a thlah hna. Annih nih Bonaventure kha Florence khua pawng i a ummi Biakinn ah Pakan a `awl lioah khan an va hmuh. A rian ngoltak ding kha a duh lo caah Cardinal luchin le a dang thlithuam hna kha a pawng i thingkung cungah khan thlaitak uh tiah a ti hna. Bonaventure cu kum 1274 ah France ram ah an tuah mi second leon council ah a va kai lio ah a thi.