Bawipa Jesu Muisam Thlennak

6^th August

JESUH MUIHMELTHLEN NAK

(TRANSFIGURATION)

            Bawipa Jesuh Khrih cu sifah temhinnak a in hlanah Peter, John le James kha auh hna i Galilee ram i a um mi Tabaw tlang cungah thlacam awkah an kai. Zultu pathum a thim hna i a auh hnawh channak cu mihmai ah taza upadi ningin tehte siter duh ah a si. Peter cu Bupi hruaitu sinak in anmah he an um. Chikhatte ah Bawipi Jesuh a hmai cu aa thleng i a angki zong cu a rang i a tleu in a tleu.

 Cu hnuah Moses le Elizah hna cu `hawnnak in an langh i Bawipa Jesuh he bia an i ruahnak ah a rauh hlanah Jerusalem khua ah a tlinghnga mi Exodus Bible chung bia hna kha a ni ruah len. Moses cu tazaa upadi kha siseh, Elizah cu profet hna kha siseh, ai awh in Jesuh cu Biathiang hlun ah fiangtein a chim bantukin Messiah a sinak kong kha tehte langhternak a si. Anmah an chim mi Exodus Bible kong cu Bawipi Jesuh sifahtemhnak a innak le a thawh`hannak kong kha a sawh.

            Peter nih Jesuh kha “Bawipa hi hmun ah um awk a `ha. Bawipa caah thlam pakhat, Moses caah pakhat, Elizah caah pakhat, thlam pathum kha na hnatlak a si ahcun kan sak lai” tiah a ti. (Mt; 17:4). Asinain amah nih zeidah a chim kha a hngal lo. Khrih a muihmel aa thlennak cu a zultu pathum hna an i lawmhnak calawng siloin anmah hna i hmai leiah lamkaltu rian`uannak caah i remh chungawk kha a ruahchan mi a si. Cuhnu ah minmei nih a khuh i “Hi pa cu keimah ka thim mi ka fa dawt a si.

 A bia kha ngai u” tiah Vancung in awthawng an theih. Cuhnu ah Jesuh pakhat lawng kha an hmuh. Zultu hna cu an daithup i an hmuhton mi kha a ho sihmanh ah an chim hna lo. Jesuh Khrih muihmel thlennak a tinh hnawhchan mi cu Jesuh cu Messiah le Pathian fa a sinak kong tehte langhter ding le sifah temhnak a in hlanah a zultu hna an zumhnak fehter dingah a si.