Vailamtah cu teinak a si

September, 14

VAILAM IN TEINAK PUAI (TRIUMP OF THE CROSS)

 A hlanah sualdantatnak le thihnak sullam a ngeimi Vailamtung cu Bawipa Jesuh Khrih thawngin Vancung kainak hlei bantuk a si cang. St. Paul i (1Kor; 1:23-24) ah, “Sihmanhsehlaw kannih nih cun vailamtahnak cung i thah mi Khrih kong kha kan chim i cu kong cu Judah mi caah cun tluknak a si i Grik mi hna caah cun hruhnak bia a si. Sihmanhsehlaw Pathian nih a kawhmi hna caah cun, Judahmi an si zongah Jentailmi an si zongah, cu bia cu Khrih kha a si i Khrih cu Pathian hmual le pathian fimnak kha a si. (Lk; 9:23) ah “Ahohmanh nih zulh nan ka duh ahcun mah zawnruahnak kha nan ngol lai i nifa tein nan vailam kha an ni put lai i nan ka zulh lai,” tiah Jesuh hrimhrim nih a chim. Vailam teinak puai cu kum 629 ah an hmuh `hanmi, a thiang a sunglawimi thilhlun he pehtlaih nak a ngei.

 Jesuh Khrih kha an vui hnuah a Vailamtung kha a zultu pawl nih hmuh hna hlah she tiah horkuang pakhat ah an hlawnh i i lung le vawlei in an chilh. Kum 326 ah Constantine Siangpahrang pa i nu St. Helena nih an thuhmi Vailamtung kha a hmuh i a thiangmi Biakinn pakhat chungah a chah. 614 kum Parsia miphun hna nih Palestine kha an tuk an lak i cu man ngeimi thilhlun hna kha an ram ah an phorh. 629 kum ah Constantinopal uktu Siangpahrang Helacletus nih Persian pawl kha a tei `han hna caah a thiangmi Vailamtung kha Jerusalem khua ah a rak phorh `han.

Amah cu Vailamtung kha mah nih put a duh ko nain khualuh lai (Hauka) ahcun Vailamtung cu hmailei a kal kho ti lo. A pawng i a ummi Patrizakari nih a sunpar mi na thilthuam le Vailamtung (Jesuh Khrih) i a tordor nak cu aa tlak lo tiah ruahnak a pek. Cu tikah mah pa nih ruahnak a pek bangin a Siangpahrang thuam kha aa phoih i Laa in tahmi thilthuam kha aa hruk tik lawngah Vailamtung cu hmasa a umnak thing ah an chiah`han khawh.