American president Joe Biden cu Pope Francis ton dingah aa thawh cang

American president Joe Biden cu Pope Francis ton awk ah, June thla 15 zinglei ah aa thawh cang.

Atubantuk in Joe Biden nih Pope Francis a ton cu American president sinak dirhmun a hmuh hnu ah avoi khatnak le a hmasabik ton aa timh a si i President Joe Biden cu a tu hi hmunkhat hnu hmunkhat meeting kai dingah Europe ram a phanh lio a si.

President Joe Biden cu Vawleicung ram ngan lutlai pawl (G7) meeting a kai dih hnu ah Belgium ram, Brussels airport in Pope ton awk ah aa thawh cang. Pope he an i ton dih hnu, June 16 ah Russia president Vladimir Putin he Geneva ah i ton ding a ngei tiah theih a si.

2015 September ah Pennsylvania peng khualipi a simi Philadelphia i tuahmi vawleicung chungkhar kong he pehtlai in meeting tuahnak ah Joe Biden le Pope hi an rak i tong bal cang.

Joe Biden a fapa(46) hi thluak cancer in a rak thih lio, Pope Francis zong America a tlawn lio a si i Pope nih a ra kan hnemh tiah Joe Biden nih langhternak a rak tuah bal.

https://bit.ly/2TB3puC