April 8,Ninga ni Mandalay Sacred Heart Cathedral biakinn pi ah ralkap pawl nih an luh hnawh hna i hriamnam an kawl.

Photo Credit

Archbishop Marco Tin Win sinah Laksawng an rak pek balmi Kachin nam pahnih dah ti lo cu zeihmanh an hmuh lo caah a thaizing zarhte ni ah an kir than tiah a hmun i a um ve mi pakhat nih Catholic News Agency ah a chim.

“Ahohmanh cu fahnak an pe hna lo nain kan thin a phang tuk,” tiah min langhter duh lomi pakhat nih a chim.

Ulhcaan ninga ni pumhnak thawk hlaan deuh ah ralkap pawl nih biakinn an luh hnawh i pumh dingin a ra mi si hna seh, archbishop siseh, zung riantuan phu si hna seh, CNA in tuanvo ngeitu tel in caan sau nawn an erh hna.

Archbishop Tin Win nih hriamnam(meithal) a thuh hna i duh lo nak in nawl ngeitu a dohtu hna a bawmh hna tiah dalaan pakhat nih nawl ngeitu hna sinah a chimh hna ruagah a si tiah a hmun ah a um mi pakhat nih CNA ah an chim.

Ralkap pawl nih an hmuh mi vainam pahnih cu archbishop kan hnu kum Banmaw Diocese Khrihfa hna a tlawn hna lio ah Kachin vainam an rak pek mi an si tiah a hmun i a um ve mi pakhat nih a chim.

Hriamnan(meithal) an hmuh lo caah ralkap pawl cu an chuak than i pawngkam um mosques hna zongah an luh hnawh hna i an thihphoih hna. Sihmanhsehlaw, ralkap cheukhat cu cathedral biakinn pawgah an dir i hriamnam an luhchuah pi le luhchuahpi lo tiin an ngiat peng rih ko hna.
“Khrihfa hna le pawngkam um mi hna cungah fahnak pek loin ralkap pawl an kir than caah kan lung cu a dai deuh ngai” tiin min langhter a duh lomi pakhat nih a chim.

“Phungki pawl umnak hmun ah sui le tangka an hmuhmi paoh an lak bang khan a si ko. Hi ka hmun um Catholic Khrihfa hna cu sifak harsa lawng te an si. Zeitluk hmanh in biaknak lei ah i zuam ko hna hmanhsehlaw, sui tibantuk mansung thilri hna cu biakinn ah an pe bal lai lo.”

“Parish chungum Khrihfa hna sinah tangka kan khawlh mi cu Yangon um mi harsa hna sinah eidin le si, thil puan bawmhnak pek dingin kan hman mi an si. Cu lawng cu a si ko. Zeibantuk hriamnam(meithal) hmanh um lo.”

Archbishop sinin vainam a lak mi zong cu tihnung thilri a si tiin lak mi siloin a hawi dang ralkap pawl sinah i cuanak ah a lak mi a si ko lai. Thawngpang kan theih tiin va zoh tungah zeihmanh hmuh loin kutlawng in kir loin an lak mi a si ko lai tiah ka ruah,” Siangbawi pakhat nih a chim.

https://bit.ly/3jpSU79

Add new comment

4 + 2 =