Archbishop ah rian pekmi hna

Korea le Kenya Bishop pawl

 

Pope Francis nih Seoul le Nairobi Archdiocese pawl caah Archbishop pawl rian a pek

Octobe28, 2021

A rauhhlan teah Pope Francis cu thlang Korea i khualipi Seoul le Kenya ram i khualipi Nairobi Archdiocese hna caah Arcbishop pawl rian a pek. Seoul Archadiocese i Bishop cu Bishop Peter Chung Soon-Taick a si i Carmelite phu in a si. Bishop cu Seoul Archidioce i Bawmtu Bishop tiin 2013 in rian a rak tuan. Bishop pa cu kum 60 a tlingcang mi a si i a chuahkehnak hmun cu thlang Korea i nichuahnak thlanglei Daegu ah asi. Amah cu Chemical Engineer degree a ngahtu a si. Carmelite phu chung i Puithiam pakhat siding ah 1992 ah Ordination a laak. Amah cu Rome i Pontifical Biblical Institute (Biblicam) sianghlengrun ah Bible hleice in a rak cawn.

Korea ram pumhuap Carmilite phu i upa pakhat ah thimmi asi bantukin 2009-2013 kum tiang nichuahnak lei le tikap hmun i `tuanvo ngeitu tiin zong Rome i a ummi an nu phupi inn ah rian a rak tuanbaltu asi. Seoul Archidioce cu meng 6701 kauhmi asi i Catholic mipum nuai 1.5 an um. Hi Catholic mipum cu 2017 i check mi bantuk a si i Seoul ramthen  mipum i zatuak 15 a si.

Ram`then pakhat chungpi ah mipum 9.9 zatuak a um. 2017 kum tiangh Seoul Archdiocese dirhmun in Catholic Puithiam 1000 lawng an um i 756 cu Parish Puithiam an si. Mipa, nungak Pathian riantuantu dihlak 2367 an um.

Cubantukin Pope Francis nih Nairobi Archdiocese i Archbishop zong a thanh. Bishop Philip A. Anyolo cu kum 65 a tlingcang mi asi i Kisumu Archdiocese ah 2018 kum in tuanvo lakin rian`tuan mi asi. Amah cu 2015 kum in Kenya ram i Bishop phu CBCK president zong a `tuanbal.

Archbishop a tuan hlan ah, 2003-2018 tiang Homa Bay i Bishop in siseh, 1996-2003 tiang Kerricho Diocese Bishop dirhmun in siseh rian a rak `tuanbal. Amah cu Kericho Diocese i hruaitu siawk ah thimh a si lio ah kum 39 lawng a rak si. 1983 ah Puithiam cannak a ngah. Nairobi Archdiocese cu meng 1263 a kau i 2019 i tarlanghnak bantuk asiahcun Catholic Khrihfa mipum cu ram`then i mipum nuai 3.8 lakah zatuak 50 a si.

https://bit.ly/3qhaVsZ

Add new comment

12 + 3 =