ASIA LEI`HEN TONPUMHNAK

THLARAU RIAN BIARUAHNAK

25 February 2023, Thawngfianhnak

Asia leiṭhen dot i tonnak nihnihnak ni ah tonnak ca thlacamnak ‘Adsumus Sancte Spiritus’ in an thawk i khi itonnak khuallam ah kuzale hna dihlak Asia leiṭhen authawng kha taktak in cerhter dingah Thiang Thlarau Pathian veel kha sawmnak in an rak thawk. A rummi hnulei tuanbia a ngeimi tonnak ca thlacamnak kha Latin holh in hmasabik biatlang bor ‘A Thiangmi Thiang Thlarau Pathian, kannih cu na hmaika ah kan dir ko’ tiah sullam angeimi itonnak caah thlacamnak kha council hna, tonnak hna le adang Bupi i tonpumhnak hna ah a kum a za in hman a rak sicang.

          Tonnak general minister zung in General Secretary lubik a bawmtu Sr. Nathalie Becquart SMCJ nih hmunkhat in khualtlawn lam tuahnak cu itonnak in mino hna i theipar asinak (Synod on Youth) kong fainter pahin nihin caah hramthawknak a rak tuah. Hmunkhat tein khuallam tuahnak cu nihin Bupi i Pathian duhnak ningin Thiang Thlarau Pathian awthawng kha hmunkhat ah thleidan in ngaihnak asi’ tiah kan zumh ahcun Pathian nih a duhmi hmunkhat in khuallam a tuahmi Bupi siding ah thluachuah veel hna kan hmuh lai tiah i lunghmuih khawh asi’ timi Pope Francis biacahnak kha mah nu nih dikthliar in a rak fainter. Hmunkhatte khuallam tuahnak cu laksawng pakhat asi i soisel thleidan in hngalhnak cu khuallam tuahnak i thinlung asinak kong kha Sr. Nathalie nih papekin a rak chim. Mah nu cu tonnak khuallam i tahchunhnak pakhat tiah ruah khawhmi, Emmaus khualei ah a kalmi bible caang i muthlam kha a rak fianter. Jesuh Bawipa i hmunkhat tein khutlawnnak zohchunhnak cu kannih vialte caah zohchunh dingin a kan sawn.

          A luancia nihnih chungah kazale hna kha ‘Thlarau rian Biaruahnak’ timi a dot pathum ningcang kha hmang i tonnak ṭuanawk rian hna kha phawrh ding a rak kan sawm. Dotkhatnak ‘Kelamhnak lanhnak – taking the floor) cu chungtel pakhat cio nih tonnak rian ṭuanding (program) hmuhtonnak hna kong kha minit (2) tlukin chimnak caan asi i, biaruahnak asiloah i thlak i tenhhrolhnak umloin, cuhnuah buaktlaknak kha ruah dingah minit (2) tluk dai zirziar tein umnak asi.

          Dothnihnak ‘Midang caah hmun pakhat serpiaknak’ cu a phu i chungtel pakhat cio nih midang chimcia mi chungin thinlung ah a chuakmi kha minit (2) tluk chimnak caan asi i, biaruahnak asiloah i thlak i tenhhrolhnak tuahlo in minit (2) tluk daitein buaktlaknak kha thinlung ah khumh ding caan asi.

          Dotthumnak; ‘Hmunkhat in ruahkhunnak’ cu biaruahnak theipar hna kha rikhiah ding, funtomnak, zapi hrawmmi biahalnak hna. Lungput ning aa dannak hna le profet tuahnak he pehparin biathawng hna kha hnatlakpi dingah khat le khat biaruahnak caan asi.  Khi ningcang cu a phu kha ‘Thiang Thlarau Pathian cu kannih kha a kan hruai maw?’ timi a hran biahalnak tuah dingah bawmtu veel cantawite caan asi.

          A phu hna cu tanglei i biahalnak hna kha tuahtan ṭhan hnuah thla an rak cam. Rikhiah a hran cahnah i a ummi aa dannak hna daal thlamtling tein ceihmai rihlo mi hna asiloah buainak a um maw? Aa dannak hna daal ah khumhchih dingmi asiloah lungretheih thinphannak hna a um lai maw?

          Zingleisang, ṭhenhnihnak program ah a phu hna cu Asia leiṭhen caah abiapi papek mi daal (5) le October thla chungah tuahding mi itonnak ah pehzulhin biaruah ceihmai dingmi biapiin a herhmi rian kongkau hna kha zohfel ṭhan in an rak i ruah hna.

          Nihin caah thlangtlatu hna le hruaitu hna cu India ram Delhi Archbishop Bupi uktu Archbishop Anil Joseph Thomas Couto, tonnak he pehtlaimi tuahtawn phungning hna ṭuanvo ngeitu hna in Ms. Christina Kheng le Asia leiṭhen Catholic Bishop hna hmunpi i tonnak he pehtlaimi committee phu (FABC (Synod Task Force) in committee chungtel Ms. Momoko Nishimura hna an si. Hruaitu hna cu kuzale hna kha khi hna i pumpak authawng siloin Asia leiṭhen mipi hna i authawng sinak in chimding cu annih hna i ṭuanvo asinak kong ralring an pek hna.

          Zanlei program pahnih ningte cu Bawipa Thisa biaknak in an caan a rak dih. Zeicahtiahcun thlacamnak cu hi itonnak khuallam i mawnghnak thazaang asi.

          Nihin ṭhenthumnak meeing ah tuah ṭuanlio mi cathluan rikhiah mi upadi a hran kha kaupiin cekhlat dingah a phu hna kha a rak sawm hna. Nihin caah program kha tonnak council chungtel, Pakistan ram Karachi Archbishop Bupi chungin Cardinal Joseph Coutts nih ‘Asia leiṭhen caah Missa pekchanhnak’ timhnak in a thiangmi Missa raithawinak in an rak donghter.

          Khuallam cu pehzulhin a hung can thluahmah i Emmaus khualei kalnak lam cung i a cangmi Zultu ngan hna bantuk ṭhiamṭhiam in, kuzale upa hna zong nih Pathian i chimmi bia kha voikhat ṭhan in an chimte ding asi. Khuallam ah Bawipa cu kannih he bia a kan ruah i, bible thiang sullam kha fiangfai tein a kan fianter tikah kannih kan lungthin cu kan chungah meilei bantukin a rak kangh asilo mei?  (Lk. 2432).

 

Add new comment

3 + 3 =