ASIAN CONTENENTAL SYNOD

THAWNGTHANHNAK                    

 FEBRUARY 23, 2023

 Baan Phu Waan (Myoceethu inn) cu Bangkok Archbishop Biaknak uk chung i rumra ngei ngaimi Biaknak he pehtlaiin cawnmi ca cawnpiaknak hmun asi i February 24 in 26 tiang, Asia leiṭhen huap ton pumhnak kha inntek sinak in cohlan i an tuah lai. Biaruahnak a rami kuzale hna cu ramningcio in Bishop hna Hmunpi (17) in i tonnak Hmunpi (FABC) kha a tuahmi ram (2) kha aiawhmi Bishop phu hna an rak kai. Khi tonpumhnak khuallam ah Cardinal (6), Archbishop (5), Bishop (18), Siangbawi (28), Sister 94) le Khrihfa sawhsawh (19) hna an i tel kho.

          Anganbik le milu tambik leiṭhen nganpi asimi Asia leiṭhen cu aa lawh lomi nunphung hna, ca holh hna, miphun ṭengnge hna le biaknak hna in thluachuak vanlut tukmi a si. Khrihfa biaknak cu Asia leiṭhen i hmun tam ah a hmetukmi, mitlawm deuh asi nain, pakhat cio nunphung hna i hliphlaunak le rumnak cu Bupi nunnak lamthluan caah a hlerhlau ter. Zumhnak hna, aman hna le hmelcunhnak hna i ningcang hna cu hmunkhat le hmunkhat i dan hman sehlaw, minung chungkhar khat le khat pehtlaihnak cu Asian miphun kha a funtom ter. Bawipa Pathian, mah pumpak, innpa, van le vawlei hna he hawikomhnak i Asia aman cu khi he hmunkhat in, minung chuahkhat laitlai chungkhat lungngetnak le Asia mipi hna i lungrual lungngetnak kha a rak phawrh.

          Zuamcawhnak hna a um ko nain, i tonnak khuallam cu Catholie Bupi caah Veel thluachuah le thlopbulnak i chikhatte caan a si, tiah ka ruah. “Thlam bantu asimi Bup” i muisam nih mahkha a dihtel kho dingmi lungthin in kauhchap khawh asimi i dornak hmun pakhat sinakin muisam hran a tuah. ~hihphaihnak hna, a daih lonak hna le sifah harnak hna telh in Pathian Thlarau a umnak hmunkipah Pathian cu amah i Thlam kha a serkhawh ko ti zong a langhter. Abiapi bikmi cu Bawipa Pathian i Thlamchung ah mikip caah umnak hmun a um ko. Ahohmanh a kaltak lo. Khi a cangmi thil ah, hlan i “Kaltak a rak si’ tiah a intuarmi hna cu atu caanah athiang i a himnak hmun asimi khi Pathian i Thlam chungah annih caah hmun a um ko ti kha an hngalh cang.

          Thlam i muisam cu minung chuahkehnak laknak in kan nih laifang ah Bawipa Jesuh cu amah i Thlam kha saknak kong zong kha a cinken ter. Cucaah Bawipa Pathian i Thlam zong cu Pathian he siseh, khat le khat he siseh i tonnak hmunah a rak cang. Atuah tlanghrawm mi inn ah hmuhmi Thlam cu tlanghrawmmi Tipil innak  thluachuah vanluh ah tinvo buaktlaknak le ngeihnak kotho kha a hliphlau ter ṭhan. I tonnak ding rian (prokarem) cu a bu aphu hna duntomnak sinak in hmunkhatte in kaarhlan ṭinak i a biapitnak kha fiangdeuh in theih i Bupi i kokek karhchonak kha sullam a fainter.

          Kuzale hna hmunkhatte in khualtlawnṭi khawh ding, thlacamnak in fiangte thleidan in hngalh khawh ding, biaruah ding le cuaithlai tuaktan ciammam i tuahṭian khawhnak ding caah bawmhpiak ding zulhawk rikhiahmi phunghram kha an ser. Ara laimi nithum chungah kuzale hna cu an lunglawmhnak, hmunkhatte kaarhlannak i an hmuhtonmi, hma hna i hmuhtonnak le zulhawk lamthar hna kha cohlan ding ah sawmnak hna kha an phawtzamh lai. Cuhan cu Asia leiṭhen kha zawtnak raichia hna asitermi a hakmi sinak hna, a nung ṭhudirnak he pehtlaimi lungrual lungngetnak, biachanhnak chiahnak, Siangbawi nunnak lamthluan leiah kawhauhnak hna, Mino, sifahmi hna, biaknak lei lungkhah lonak le Siangbawi zumhnak (Clericalism) hna zong biapi ah chiah i an i ruah hna lai.

          Hunnak puai Missa raithawinak puai a simi Thiang Thlarau Pathain kha biak pekchanhnak Missa cu Japan ram, Tokyo Archbishop biaknak ukchung le Asia leiṭhen Catholic Bishop hna phun in General Secretary lubik Archbishop Tarcisio Isao Kikuchi, SVD nih hruai in a pekchanh lai. Cuhnuah tuaktan zohfelnak le thleihdan hmuhnak he pehtlaimi tlangtar hna kong kha kuzale hna sin biakchawnh lamhmuhsaknak hna a tuah lai. I tonak ah a rak kaimi Kuzale hna i ruahnak le hmuhnak hna kha i thlenkhawhnak dingah a hnubik Cathluan ahran upadi zong kha an phawtzamh hna lai.

          Akau tukmi, phuntling tukmi Asia leiṭhen minung hna sinak ah hmunkhat tein khualtlawmnak tuah cu kannih rauhchannak a si.

                                                                   A lettu, Norbert Ca Ling (OSC)

                                                                   Hakha RVA/ 24 Feb 2023