BANGLADESH PM HASINA NIH LAWMHNAK BIA A CHIM

Bangladesh Prime Minister Sheikh Hasina nih an rampi caah Khrihfa Hawikom nih bawmhnak an pek caah lawmhnak a chim

“Jesuh Khrih cu hi vawlei ah daihnak le dinnak serding in a ra. A Bia kha upatnak nganpi he ka hngalhpeng” a ti.

Prime Minister Sheikh Hasina nih Bangladesh Agricultural Research Council auditorium, Dhaka i Khrihfa Hawikomhnak program pakhat an tuahlio ah video call he amah i thanhmi bia cu a va pek.

Thil biapi a hung ummi cu Christian Religious Welfare Trust i bawmhnak he ser asimi the Bangladesh United Christian Community kha asi.

“Kannih vialte cu minung kan si i aakhat mi Sertu pakhat nih a kan ser caah Bangladesh i zumtu vialte hna nih

“Jesuh Khrih nih minung vialte sinah ṭhatnak tuahding in a kan cawnpiak. Kan rampi i pabik Sheik Mujibur Rahman hmanh nih cucu a zumh” tiah a chimchap.

“Mipi vialte nih aa tluktlak mi tinvo an co khawhnak ding caah rampi nih kan zuamlio asi. Caankhat teah; kan ram ṭthanchonak ca i ṭhatnak nan pekmi vialte cungah kan hngalhpiak hna” tiah prime minister nih a ti.

Bangladesh Bupi nih acozah uktu hna he Christmas puai an tuah. Dhaka i Archbishop Bejoy N. D’Cruze nih Bangladesh i Khrihfa Hawikomhnak hmete sinah prime minister i a lungthin peknak cungah lunglawmhnak bia a chim.

“Rampi kha aa tlakning tein a hruaikhawhnak hnga Pathian i fimnak nih a ceuternak hnga thlacampiak hna usih” tiah Archbishop D’Cruze nih a chim.

A liamcia kum 400 ah Portuguese Missionary pawl nih Bangladesh ah Khrihfa zumhnak an rak langhter. Nihin rampi ah milu nuai 166 chungin Khrihfa hna cu nuaikhat lawng an si. (Nikhil Gomes)

https://bit.ly/3XmImaX