BIBLE aw khumh cia mi ngaih dingah suimilam 89 lawng caan pek a hau.

Bible thiang dih lak in awkhumh a si ah cun zeitluk in dah hmun a lak hnga? Navarra university ah Bible awkhumhmi cu 15 GB lawng a si i a tu cu online cungah khumh a si cang. Hi Bible awkhumh mi ah hin aa phundang ngaimi tampi an um. A dih lak in ngaih tikah suimilam 89 lawng a rau. Cuasicaah Bible thiang awkhumh mi file a dihlak in ngaih a duh mi hna nih cun suimilam 100 tluk caan pek a hau lai tiah Eunsa general manager Javier Balivrea nih a ti.

Hi Bible awkhumh cia mi file chung zongah Cathiang uk khat cio i biahmaithi hna zong telh chih a si. Hi tin awkhumh cia mi audio file cu Navarra university digital website chungin lak khawh a si. A rauh hlan ah a dang online platform hna zong in langhter a si te lai. Hi audio file i a thatnak cu ngaih duhnak Bible ca caang in ngaih khawh a si. Rian a tam mi hna caah siseh, hnachehnak hmunhma hna zongah fawi tein ngaih khawh a si. Bible thiang ngeih lo ruangah Bible a rel kho lomi si hna seh, mit that lo ruangah Bible a rel kho ti lomi si hna seh, fawi tein ngaih khawh a si cang. A herhmi belte cu pakhat a um, WiFi a ngah a hau. Atu bantukin nunnak lam a kan hmuhsaktu Bible thiang social media chungin lak khawh a si cang caah, Pathian pekmi nunnak bia (Bible thiang) kha caan kan ngeih caan paoh ah siseh, khuazei kan kal zongah, kan umnak paoh ah ngaih khawh a si cang.
https://bit.ly/3KrJdQy