The Catholic Bishop' Conference of the Philippines nih Catholic Khrihfa hna sinah ralrinnak ca a thlah.

The Catholic Bishop' Conference of the Philippines nih Pope Francis min hmangin lunghrinnak bia vakvai a chuahter tu phu an um caah ralrinnak ca an chuah.

“Tha Apostolic Nunciature sinin ca pakhat a rak phan i cu ca ah cun pakhat khat nih Pope Francis he aa thei hngal tuk mi kan si tiin a ti” tiah Philippines bishop' conference nih thawngpang theihternak an tuah.

Monsignor Julien Kabore nih Philippines bishop hna sinah a hal mi hna cu, Christian Eduardo Tietze timi pa nih amah le amah "Peace for Life Foundation" i president ka si timi hlathlai ding a si.

"Pope Fancis siseh, bupi riantuan tu phu si hna seh kaa theih hngalh tuk mi hna an si ko tiah a ti" tiin bishop' conference chungttuan Father Marvin Mejia nih May 22 nih ah a chim.

"Hi bantuk zumhtlak a si lo mi rianttuan tu phu hna an hung um thiam leng mang caah Pope Francis min hmang in siseh, a dang biaknak lei zung pakhat khat min hmang in siseh ca langhternak a hung um tik paoh ah i ralring tein le fiamthiam tein um thiam cio ding" zong a chim rih.

"Biaknak lei min hmang in si seh, bishop te min hmangin siseh tangka a hal mi phu an rak um bal cang caah hlaan deuh caan lio zongah Philippines Catholic bupi hruaitu hna nih mipi sinah ralrin nak zong an rak  chim bal cang hna.

Add new comment

1 + 2 =