Catholic Sister nih Myanmar ram hartonnak philh a sinak kong a chim

Catholic Sister pakhat nih November 10 ni meeting tuahmi ah Myanmar ram hartonnak kong philh a si nak Italy ah a chim.

Congregation of Reparation Sisters phu chung tel pakhat a si mi Sister Beatrice Maw nih “Har a tong cuahmah mi Myanmar ram philh a sinak” kong he pehtlai in Pontifical Institute for Foreign Mission (PIME) ah October 2022 kum mission kong he pehtlai in tonnak ah a chim.

“Myanmar ram cu ralkap phu nih February 1, 2021 thawk in uk nak an lak.”

“Myanmar ram kong he pehtlai in thawngzamh phu hna a simi Avvenire, the magazine Mondo e Missione le the AsiaNews website hna dah ti loin cun media dang tampi hna nih an chim langhter ti lo” tiah Sister Beatrice Maw nih a ti.

“Media lei in an langhter ti lo caah Myanmar ram chungah zeizong vialte a ttha dih tthan cang ti duhnak a si lo. February 1 thawk in a tu ni tiang Myanmar ram cu nikhat hnu nikhat rawhralnak lei in a zual chin lengmang cang, ” tiah Sister nu nih an phu chung tonnak ah a chim.

“Ralkap pawl uknak lak nak kong le a dih-dai kho rih lo mi Covid-19 rai zawtnak kong hna hi ka ngaihchiat tuk lung in kan chimhmi hna a si ” tiah a ngaihchiatnak a langhter.

Sister Beatrice Maw nih a chimchap mi cu,“ Kan Sister nu pakhat cu nihin ni tiang Covid-19 mizaw zohkhenhnak Center ah lung dong lo tein mizaw pawl a zohkhenh peng rih ko hna”.

Mizaw le a dang lungdong mi hna a bawmchantu riantuan ti hawi Sister Judith nih a chim ve mi cu: “Maw Bawipa, ka sual palhnak hna caah intuarnak si ko hna seh, ka nunak hi lak na duh cang a si ah cun rak ka lak piak ko cang”tiah a ti.

A tang link ah tling tein rel khawh a si.
https://bit.ly/3wRSoVr

Add new comment

1 + 4 =