COVID-19 Zawtnak he Pehtlai in Hakha Diocese chungah Meeting an tuah. . .

Bishop, Siangbawi, Sister hna le KMSS (Hakha) Hruaitu pawl.

Hakha khua chung um Diocesan Pastoral Center ah Hakha Catholic Khrihfa hruaitu hna ton biaruahnak an tuah. Cu ton biaruahnak ah Bishop Lucius Hre Kung, Hakha khua um Siangbawi, Sister hna le KMSS hruaitu hna an i tel.

Fr. Joseph Ronei Thang (KMSS- Director) nih hramthawknak bia a chim: “Nihin tonnak kan tuah hnawh chanmi cu, KMSS (Karuna Mission Social Solidarity) riantuan phu hna le Catholic hruaitu lei kap in tulio kan ton cuahmah mi COVID-19 zawtfahnak konglam he pehtlaiin kan Chin ram (Laitlang) ah zeitin dah rian kan tuan hna lai ti hi a si” tiah a ti.

Bishop Lucius Hre Kung nih a chimmi cu: “Biakinn chungah Missa raithawinak tuah ngam lo tiangin Satan tukforhnak kan ton cang. Sihmahsehlaw, thlacamnak kan tuah mi hi kan hriamnam thabik ah hmang hna u sih” tiah a ti.

A chim rih mi cu “Hakha Diocese chungum Catholic Khrihfa hruaitu hna zong kan ngandam cio nak hnga i ralring hna u sih”. Parish chung um Siangbawi hna zong nih zumtu hna sinah “ralring tein um cio dingin theihternak tuah dingah” a chim fawn rih. 

Media lei kap in tlangtlatu RVA riantuan hna sin zongah “thawngpang a ran khawh chungin thanh khawh i zuam uh” tiah a ti.

KMSS-Program Director a si mi Saya James Ngun Hre nih zawtfahnak kan ton lonak hnga ding caah mah le mah i khamh ding (Prevention level) le zawtnak a tong cang mi hna caah timhtuah a herh mi (Care lavel) in siseh a chim ve. Hmai lei riantuan `ti lai nak kong he pehtlai in:

“Pakhat le pakhat karlak ah i theithiam tein rian1tuan ti (Cooperation) kan hau. Cu asilo ahcun pakhat le pakhat karlak ah i theih sualnak a um tawn” tiah a chim chap.

 COVID-19 zawtnak i khamhnak (Prevention) kong he pehtlaiin general-discussion program tuahnak zongin an pehzulh.

Cu hnu ah Chinram (Laitlang) huap in “Hakha Diocese COVID-19 Response Committee” phu thimnak an tuah.

Diocese chungum Catholic Khrihfa hna le Chinram (Laitlang) huap in riantuan ding konglam ceihhmai mi hna zong thawngpang thanh`than a si te lai.

 

Add new comment

12 + 2 =