Dawtnak in Khrihfa hna nih Vawlei pi kan thlen khawh

Pa Pakhat fale sinak

John 17 cawlcanghnak timi hi minung hna nih cabuai pakhat cungah din einak an i hrawnnak in a hung chuak mi phu a si. Ahohmanh nih an muisam in siseh, thisa dannak in siseh, miphun dang sinak in siseh, zumhnak aa lawh lo nak in siseh,  thleidannak um lo in unau kan si hna: “Pa pakhat fale ka si dih hna” timi i hngalhnak in aa thok mi a si. Sifah-harsat caan le raltuk nak caan hna zongah cabuai pakhat cungah ei-din hrawm tti nak cu a um kho ti men lai lo. Sihmanhsehlaw kan nih vialte hna cu unau kan si hna ti mi hi theih ding a si” tiah Pope nih a chim.

Khirh he i tonnak

Dawtnak kong he pehtlai in Pope Francis nih a chimmi cu: “theology lei zongin thiam sannak tampi ngeih a herh lo. “Dawtnak timi cu nunnak he i ton kha a si i, pakhat nak ah Jesuh he i ton hi a si. Hi tonnak thawngin i hawikomhnak, u le nau sinak le Pa Pathian fale sinak hna kha a fehter chin.” “Zeizong vialte cu u le nau sining tonnak ah hin aa thok.” Sang deuh in kan ruah a si ah cun, “Dawtnak nih vawlei pi zong a thlen khawh, sihmanhsehlaw kan mah hna hi a kan thlen hmasabik ti zong theih ding a si.” “Dawtnak ah i funtomh in kan nih Khrihfa hna zong nih Pathian dawtnak thawngin kan mah le kan mah zong kan i thleng kho hna  lai i vawlei pi zong kan thlen khawh ko lai.”

Dawtnak kong cawnpiak siloin nunpi ding

“Dawtnak na ngeih zong ngeih lo zongah, thisa cannak aa lak tu Dawtnak(Jesuh) nih a dawtnak a kan pekmi cu Nunnak lam a si.” Dawtnak kong cu cawnpiak sawh ding lawng siloin kan nunnak ah nunpi a si. John 17 cawlcangh phu hna nih dawtnak nunpi ding kong hi lam an kan hmuh sak cio hna” tiah Pope a chimchih rih.