FABC President nih Radio Veritas Asia's Mobile App thar Hrambunh Fehternak

Cardinal Charles Maung Bo, SDB, President, Federation of Asian Bishops Conferences (FABC) nih Radio Veritas Asia mobile app cu St. Mary's Cathedral, Yangon, Myanmar, October 11 ni ah hrambunh hmannak (inaugurate) a tuah lai. Hi ni cu Pope St. John XXIII puai ni a si i Radio Veritas Asia tiah a hung chuahnak hnga ding caah ruahnak, langhternak petu zong a si.

Radio Veritas Asia (RVA) Catholic Bupi media platform cu 1969 kum ah Asia Bishops hna nih rak dirhmi a si. Federation of Asian Bishops Conferences (FABC) rianttuan nak cu RVA phu nih a ttuan ve i Asia miphun vialte hna sinah thawngttha bia chimphuannak in siseh, biaknak lei konglam, nunphung le sifak harsa hna he pehtlaih biaruah ttinak zong pehzulh in a ngei.

Cardinal Bo, archbishop of Yangon nih live in thlahmi Missa thawinak a tuah lio caan ah RVA mobile app hmankhawh a si cang nak kong fehternak a tuah lai. Cun Missa a dih hnu ah biacahnak zong a ngei chih lai.

FABC Office of Social Communication (OSC) nawl ngeitu Bishops hna zong nih program chungah biachimnak an ngei hna lai. Hi bantuk tonnak program chungah hin Bishop Robert Mallri, FABC-OSC Chairman, members of Bishop Raymond Wickramasinghe le Bishop Joseph Lushai Thatwisi, Father George Plathottam, SDB, the Executive Secretary, Bishop Marcelino Maralit le Philipines le Sri Lanka Bishops Conferences hruaitu Bishop Maxwell Silva , Michael Unland, the Executive Director of Catholic Media Council (CAMECO) an i tel cio hna lai. 

Hi program cu online in tuah ding a si caah aa tel kho mi vialte hna nih mah le phone cio in RVA mobile app langhter i hmanthlak nak zong a um lai.

RVA app a tuah tu hi, Ethic Coders le Catholic communication ministry hruaitu a si mi Shibu Devasia a si. Amah nih program tuah lio caan ah app hman nih konglam fianhternak a tuah chih lai. Special kawhmi (invitees) hna nih app promotional videos zong zoh khawh a si lai. Hi promotional videos cu rvasia.org chungah langhter zong a si cang.

RVA mobile app chungah a bik in langhter a si hnga ding mi hna cu: nifatin ruahawk tete, lungthawhnak capar hna, thuk-deuh in Cathiang hrilhfiah cawnnak, zohchunh awk tlak minung hna konglam, nifatin Missa thawinak, thlacamnak hna le (meditation) timi Pathian konglam ruah thlacamnak te hna hi an si lai.

Father Plathottam nih, Radio Veritas Asia cu Asia Bupi chungah digital lei in mission rian a ttuan mi le "Asian Khrihfa hna aw thawng a si" tiah a ti.

RVA's General Manager, Father Victor Sadaya, cmf, nh a chimmi ve mi cu "RVA rianttuannak cu Asian holh phun 21 in Asian pumpi chungah Jesuh Khrih thawngttha bia chimnak a si" tiah a ti ve.

"Mobile app thar a hmangmi hna nih mah le duh mi holh phun cio in thim i hman khawh zohkhawh a si lai" tiah RVA Program Director, Father Bernard Dashi Tang nih a chim.

"RVA services chungah English le Asian holh phun 21 aa tel: Bengali, Chin Falam, Chin Hakha, Chin Tedim, Hindi, Hmong, Kachin Jinghpaw, Kachin Lisu, Kachin Rawang, Karen Sgaw, Karen Pwo, K'Cho, Khmer, Mandarin, Myanmar, Sinhala, Tamil, Telugu, Urdu, Vietnamese le Zo" an si tiah Father Tang nih a ti.

RVA app thar cu Google Plays Sore le App Store hna ah lak (download) khawh a si.

Ms. Arlene A. Donaber, RVA's Assistant Program Director nih Asia mipi sinah "Pehtlaihnak rak tuah ve law Asian Khrihfa Au thawng ah hin rak i tel ve" tiah sawm biacahnak a chim ve.

"Hi app nih hin theihhngalhnak, theihternak, le zumhnak cheuhbauhnak a kan ngeihter" tiah Father Feroz Fernandes, sfx, the chief content editor for Radio Veritas Asia nih a ti.

RVA mobile thar hrambunh fehternak cu St. Mary's Cathedral, Yangon, Myanmar in Radio Veritas Asia Facebook page ah livestreaming in thlah a si lai.

Add new comment

1 + 3 =