Fr. Ciceri mi harsa hna bawmtu

Bangaladesh ah Italy miphun Pathian rianṭuantu Paolo Ciceri cu kum 80 ah a nunnak a liam

(November 17, 2022)

Nobember ni 9 ah, Italy ram Rancio di Lecco in Bangalseh ram ah a luancia kum 40 lio i Pathian rian a ṭuanmi Italy Siangbawi pakhat, kum 80 asicang mi nih vawlei nunnak a kaltak. Fr. Paolo Ciceri cu The Pontifical Institute for Foreign Mission (PIME) chungtel asi i, Bangladesh ah mi sifak le mi phun tlawmte asimi hna caah ahleice in rianṭuantu asi.

Bangladesh ah 1973 kum in a phan i, ahleice in rampi chaklei Rajshahi le Dinajpur Diocese ah Pathian rianṭuan in kum 44 caan a hmang. 2017 kum ah a damlonak cekhlat dingah Bangladesh in Italy ah a tlung. Ram mipi hna i hrampi a herhmi vawlei le nunphung ṭhanchonak hna caah phundang ngaiin Bangladesh Bupi caah a bawmh hna.

Amah bawmtu tiin amah he rian a ṭuanmi Fr. Carti Pierfrancesco nih a chimmi cu ‘Bangladesh ah ahmasabik kum thum ka um hnu ah Fr. Paolo Ciceri he kum 5 a sinah caan ka hmang. A liamcia kum 8 lio ah a ngan a damlio mi mithiang pakhat he um bantukin ka ruat. Amah cu kan hnu zarh ah ‘vancungram a kaitu’ asi a ti.

‘Siangbawi cang dingin amah a autu le missioan rianṭuan dingin a autu Jesuh sin i a ralṭhatnak ka hmu. Amah Parish chung i retreat a tuahnak pawl, thawngṭha ca aa timhtuahnak, sualthlahnak, Bawi pa Thi le Sa biaknak le thlacamnak a zuammi hna cu ruat hmanh ka ruat kholo’ tiin PIME Siangbawi Pierfrancesco nih a chim.

Bawmh aherhmi hna caah taksa lei in siseh, hmuhkhawh langh hngan in a dawtnak si hna seh, zeitlukin a ralṭha timi cu ka hmuh hrimhrim mi asi. Bangladesh Rajshahi i “a pemmi pawl, mi nih an duhlo mi le fihmi hna cu Fr. Ceciri nih ahmasabik a cohlan i cu hnu ah, cu khua i sianginn saknak le damlo mi pawl damternak hmun hna a rak dirh piak” tiin Pierfrancesco nih a chim.

‘Buainak ruang i bawmh aherhmi hna le mi sifak hna cu amah i buainak bantukin an cang i an buainak hna, i fianhternak dingah aa zuam zungzal. Mi zei mawzat a bawmh, zeizat dah a khamh, a thi pawl zong tidai bantukin mi caah a hlut i mi zeizat nih dah an co timi le a bawmhnak ruangah pa, nungak hna siangkai in zeizat nih dah rian an ngah timi cu kan hngalh dih. Hi hna pawl ruangah Fr. Ciceri cu a ngandam lio in mi thianghlim asi ka tinak cu asi’ tiin PIME Siangbawi nih a chim.

‘Mi ca i thilṭha a tuahmi le a nunnak a pekchanhnak hna ruang ah nihin Pathian sinah kaa lawm. Zaangfahnak rian a ṭuannak ah mi sifak hna a khawmh hna i Jesuh Khrih ah i komh zungzal dingin a ba ballo’ tiah Perfancesco nih a chim

Paolo Ciceri cu 1942 November 25 ni ah Italy ram Milan ramṭhen Mante Siro ah a chuak. A kum 12 ah Vatican khualipi Opera Don Folai Seminary ah a lut. Cu hnu kum thum ah Milan Diocesean Seminary luh dingah a kal. 1967 kum, June 28 ni ah Milan Diocese ah Siangbawn cannak ordination a hmu. 1971 in kum 5 chung Diocese chungah rian a ṭuan hnu ah missionary si dingin Pontifical Institute for Foreign Missions (PIME) ah a lut.

1973 kum ah Bangladesh a phan i 2017 tiang cuka ahcun rian a ṭuan. 2005 lio ah Fr. Ciceri cu zawtnak a phunphun a tuar i lung zawtnak hna zong aa tel. 2017 kum ah medical treatment tuah dingin Italay ah a kir. Cu lio ah Fr. Ciceri cu mi zonzai hna Community ah nunphung ṭhanchonak caah rian a ṭuan lio pi asi.

Hmun hna cawk in, cu hmun ah Catholic zumtu pawl chiah in Khrihfa khua tampi a dirh. Inn le lo ngeilo hna caah inn hna a sak piak hna. Cu khua cio ah ngakchia hna fim cawnnak ding sianginn hna a rak sak. Seconday sianginn a dihcang mi hna caah cu nakin a sangdeuh mi sianginn zong a hal piak.

Cu sianginn i saya pakhat; Kathleen Biswa nih a chimmi cu ‘Nihin ah Fr. Ciceri i bawmhnak le a ṭhami a lam hmuhsaknak ruangah saya ṭha ka si kho. Thla ka cam fatin amah ka philh ballo, zeicah tiah Fr. Ciceri cu vancungmi bantukin a zumhmi asi. Harsa mi siangngakchia, chungkhar hna le mizaw hna a ṭhadeuh mi siizung ah a kuatnak hna thawngin mi tampi a bawmh hna’ tiah Biswas nih a chim. Bangladesh pawl nih amah upatnak le thilṭha a tuahmi hna ruangah an philhlo.

RVA Website in kan lakmi asi

https://bit.ly/3AqEKeP