Hranhring Biakinn Thar Thluachuah peknak

Hranhring khua ah Biakinn thar Thluachuan pe kasi

December ni 11, Adventu a zarhthumnak zarhpini ah Tiphul Parish chungum Hranhring khua i St. Peter Biakinn thar cu Bishop Lucius nih thluachuah a pek. Cu biakinn thar thluachuah peknak ah Tiphul Parish hmunṭhu Fr. David Khin Hmung, Chuncung Parish hmunṭhu Fr. Abraham Hrang Hit, St. Joseph Sister pahnih, St. Theresa Sister pakhat, Brother pathum, Damah Saya panga le Chungcung, Tiphul, Hakha in zumtu khrihfa ulenau cheukhat le anmah Hranhring khua i khrihfa vialte hna he hlunghlai ngaiin an tuah.

Hranhring khua ah Catholic Khrihfa bu cu 1966 ah a phan. Ahmasabik Catholci Khrihfa Bu i a lut hmasabik hna cu Pu Thang Ling,  Pu Than Nawl, Pu Sa Luai, Pu Tthio Ling hna an si. Anamha pawl cu Rev. Fr. Roy i cawnpiaknak he Khrihfa ah a lutmi hna an si. Anmah hna cu Catechist Peter Bual Uk nih 1996 in 2016 tiang lam a hruai. An khua i Catholic Khrihfa Bu phaknak Golden Jubilee zong cu 2016 ah an tuahcang.  

Hranhring khua ah innkhi 56 hrawng an si i cu hna lakah Catholic zumtu innkhi 15 an um. Hranhring ah ral a zaammi inndong 15 hrawng an um tiah theih asi.

Hranhring ah Bishop a phan le cangka in zumtu ulenau hna nih donnak hlasak in an don. Cu dih hnuah Biakinn thluachuah peknak le Missa Raithawinak in caan an hman.

Thawngpang RVA Hakha.