Indea ram um Pentecostal phungchim pastor pakhat a si mi Sajith Joseph cu Catholic bupi chungah a hnu zultu hna he an hung kir tthan.

 Kum 36 a si cang mi Sajith Joseph cu Dec. 21, 2019 kum ah Indea ram thlanglei Kerala peng Punalur khua St. Mary Cathedral Biakinn pi ah a chungkhar hna le a hnu zul 50 hna he Punalur Catholic biakinn hruaitu hna nih catholic bupi aiawh in don-cohlaan nak an tuah piak hna.

Joseph cu 2011 kum ah a rak dirh mi Grace Community Global bu i hruaitu a si. Hi phu hna cu Biship Selvister Ponnumuthan of Punalur hruainak kut tang ah an um lai. Joseph nih a Facebook page ah a ttial mi cu “Grace Community Global phu cu Latin Rite a hmang mi Catholic bupi cawlcanghnak pakhat a si cang” tiah a ti.

Hi phu hnu a zultu hna hi ram 30 chungum minung 2 million tluk an si i an program hna zong hmuh-ngeih khawh mi (tele-vangelism) TV show- zongin zoh khawh a si. A hnu zultu tambik cu protestant pawl an si hna i a dang Oriental Orthodox Christians si hna seh, Hindus le Muslims tampi hna zong an i tel ve.

“Catholic bupi chung an rak luh -  an rak kir tthan hnu zongah a cheu luh a duh lo mi hna zong an um a si ah cun hlan an rak i hruai ning phu (Grace Community Global) chungah khan um khawh an si ko. Sihmanhsehlaw a tam deuh cu Catholic bupi chungah luh a duh mi an si” tiah Fr. Theruvath nih CNA ah a chim. 

An nih hna zong catholic bupi cawnpiak nak an cawn lio hna a si i, ralring tein le zuam ngai in an cawn lio lio a si. “Duhsah tein Pathian bia le bupi cawnpiak mi hna kha kan cawmpiak lio hna an si. Cawnpiak hnga ding mi zong tampi um rih” tiah Fr. Prasad Theruvath nih a chim.

Grace Community Global kong he pehtlai in Joseph nih a chim ve mi cu: “Kan i hruai ning cang hna cu aa thleng cang, sihmanhsehlaw kan rianttuan ning tu cu hlaan ning khan a si ko lai” tiah a ti. Kerala bishops hna tthit hruai ningin Joseph le a hnu zultu hna cu tuah tawn ningkel pumhnak (conventions)hna le Sunday fellowship hna zong an tuah ko hna lai.

“Bawipa Pathian nih hi ka hmun ah khuarauhhar in rian a ttuan” tiah Joseph nih lunglawm ngai in a chim.

A tanglei link in relchap khawh a si. 

https://bit.ly/3dc24OZ

 

  

Add new comment

8 + 7 =