Indonesia lihninh tuartu hna caah

Pope Francis nih Java i lihninh tuartu hna he naite in a umnak kong a langhter

(23.11.2022)

Cacawn nithum ni, mipi he tonṭinak a donghnak leiah Pope Francis nih nunnak le ngeihmi thilri tampi a sungh mi Java i lihninh tuartu hna sinah anmah he naite in a umnak a langhter. ‘Naihniam tein ka umnak cu mipi le a thitu hna le hliamhma a tuartu hna caah thlaza ka cam’ tiah Pope nih a chim. The National Disaster Management Agency (BNPB) i tarlanghmi bantuk asiahcun Cianjur khuapi i lihninh ruangah Nov. 23, cacawn nithum ah minung 271 an thi cang i mipum 40 an tlau i, mipum 2043 nih hliamhma an tuar ti asi.         

Lihninh ruangah mi tampi cu inn cimhmi chungah an thi. Tha 5.6 lihninh cu cacawn nikhat ni ah Java nithlak lei i Cianjur khuapi in kilometer 10 (meng 6) a hlatnak hmun ah a cang. Cianjur khualipi ah minung 175,000 hrawng an um i cu area chungah cun mipum nuai 2.5 renglo an um. Indonesia Catholic hawikomh i Caritas Indonesia, rampi network hna, Bogor Diocese i Caritas, Bandung Diocese i Caritas le Daya Dharma i Jakarta Archdiocese (LDD) hna tel in a hungchuak mi siningcang kha rianrang tein an bawmh.

Parish chung i volunteer hna i bawmhnak he cuhmun i parish hna nih mipi coka hna an hlut i ngandamnak ca an tuahpiak hna.

RVA English website chungin kan lakmi asi.

https://bit.ly/3EtSN4y