Japan pawl i an hmuhning

FABC Meeting ah Japan kuzale (palai) hna

FABC ah Japan kuzale hna nih Tonpumhnak cung i an hmuhning an chim

Asia Catholic Bishop pawl hmunpi i tonpumhnak ah a rak kaimi Japan kuzale hna  nih, atu tonpumhnak nganpi cu, biaknak karhternak (mission) he pehtlaimi ruahnak, thinlungput hna kha a kan hngalhter tiah an rak chim. Atu tonpumhnak ah kan rak kainak thawngin cawnnak tampi kan ngei. Tonpumhnak ah a rak kaimi Bishop hna, kuzale hna zong nih Lamkaltu rian leikap ruahnak lungput he pehtlaiin, Pope Francis nih Asia kha hmuh a duh bantukin zuamnak he rianṭuan dingah thazaang thar hna an hmuh tiah Japan ram in Niigata biaknak uk Bishop Pawl Daisuke Narui nih a rak chim.

Amah cu khi tonpumhnak caah ram kuzale asi ko nain, Biaknak chungah lakhruak in ṭuan awk rian pakhat ruangah hril khawh loin October ni 20 ah Japan lei a rak kirṭhan. Amah aiawh in tonpumhnak ah a kaiding mi Nagasaki Archbishop Peter Michiaki Nakamura cu mah ni ṭhiamṭhiam ah a rak tlung ve.

Khi tonpumhnak ah Japan in Tokyo Archbishop Tarcisio Isao Kikuchi, Cardinal Thoman Aquino Manyo Maeda, Sapporo biaknak uk Bishop Barnard Taiji Katsuja, Japan ram in Talitha Kum kuzale Sister Hirota le Bishop Narui hna an rak kai kho.

Ramkip nih Catholic Bupi kong cawn awk tampi a um, ramkip ah Pope Francis i ruahnak le hmuhnak kha kuttongh ṭuanchuah khawh ding ah fak piin aa zuam kha ka hngalh tiah Bishop Narui nih a rak ti.

Pope Francis i hmuhnak kha muithlam a langhter mi konglam asinak kha Archbishop Kikuchi nih October ni 18 ah, Pope Francis i atu lio ahnubik cathluan tiah hmuhsak ding asimi “Fratelli Tutti” (All brothers = unau ṭafar dihlak) kha forhfialnak a rak pek.

Khi cathluan kha Pope Francis nih (October 2020) ah a rak chuah. Cu cathluan cu Pope Francis i a pa (3) nak cathluan zong asi. Cu ni bakah mino hna he pehtlaih zongin Japan ram, Takamatsu diocese in Fr. Akira Takayama nih mino he aa pehtlaimi phawtzamhnak kha online in biaruahnak a rak ngeih ti asi.

https://bit.ly/3gXrozV

A lehtu Norber Ca Ling (RVA Hakha)

Add new comment

3 + 14 =