Josh Hawley

American President nih ram caah “the Supreme Court” hmun tthu dingin a thim mi Amy Coney Barrett cu Catholic Khrihfa pakhat a si ruangah thim lo dingin aa tim mi hna sin ah Hluttaw palai Josh Hawley nih fak piin a mawhchiat hna. Ramkel phunghram phung relnak “Constitution” no.6 nak i chirchanh in bia lehnak a tuah hna i, zalong tein hi rian hi ttuan khawh a si ko tiin Amy Coney Barrett lei kap in a dir pi ve.

Catholic Khrihfa biaknak phung ah zumhfek in a um ruangah “the Supreme Court” i Judge pakhat si ding cu a si kho hrim lo timi mi biafoihnak hi American ram ah zalong tein biak nak phung a um maw um lo ti mi kong he pehtlai in zong biahal nak a tuah.

Catholic Khrihfa pakhat si ruangah le Catholic zumhnak konglam he pehtlai in cawnpiak nak hna ruangah “Pope nih kan President a rianttuan nak ah a donhkhan tuk lai, President pakhat si ding aa tlak taktak maw?” timi thinphan biahalnak zong John. F. Kennedy chan lio ah a rak um.

Biatak tiah cun Catholic Bupi cawnpiak nak hna hi vawlei cung pumpi huap nunphung ziaza (morality)he pehtlai ding fel te le hmaan tein a cawnpiak zungzal tu a si caah hi cawnpiak nak hna kal tak in : nauhrawh nak(abortion), nuhrin covo(human rights), ning cang loin i tthitumhnak (nu le nu, pa le pa.. gay marriage),  mah nunnak cu mah nih uk khawh a si tiin thah, hrawh (euthanasia; mercy-killing) te hna duh paoh in tuah khawh a si ko tiin an i tinh mi cu a fiang ngai ko.

American ram President thimnak zongah hin Catholic Bupi cawnpiak nak hna hi a biapi ngaimi hmunhma hna ah aa tel ve timi zong theih a si. Ka pum cu keimah thim ningin (my body, my choice) tiin nau hrawh te hna, ningcang loin i tthitumnak te hna pin ah nunnak a biapit ning (pro-life) si loin (pro-choice) nunnak mah duh ning thim i tuah ser duhnak hna ruangah nitlak lei ram hna ah cun Catholic Bupi cawnpiak nak hna cu nikhat hnu nikhat thinphannak a pek ko cang timi cu hi konglam he pehtlai fawi tein kan hmuh khawh mi a si.

Thildik le thil hmaan nih sunghnak a pek ruangah kan lung dai kho tak lai maw? Mah duh thimnak, mah duh nuamhnak le mah ca tthat nak zawn lawng maw zoh a si ko cang lai… tu lio caan zuam nak tampi hna lak ah Catholic Bupi cawnpiak nih a dirpi mi cawnpiaknak hna hi an thlu kho tak lai maw, siloah fek tein le thazang tthawng ngaiin a dir peng rih ko lai maw? ti cu hi American ramkel thimnak ah hin zei a lawh te lai ti cu hngak rih hna u sih…

https://bit.ly/37gaxkL

Add new comment

5 + 0 =