Kan Bishop Puai

Bishop Lucius

Bishop Lucius Hre Kung Tuanbia Tawi
Bishop Lucius Hre Kung cu Chinram, Thantlang peng, Hnaring khua ah 24 February, 1959 kum ah a rak chuak. A pa cu Peter Thio Ling (Tleicia) asi i, a nu cu Maris Mua Ki (Tleicia) asi. Unau chuahkhat pa (7) an si i, amah cu a pa (5) nak asi.
Bishop Lucius Hre Kung hi 1975 kum in Pyin Oo Lwin, Minor Seminary ah a rak lut i 1980 tiang sianginn a rak kai. 1982 - 1983 tiang Yangon ah Philosophy a cawng i 1983 - 1987 tiang Theology a rak cawng.
Tlangbawi cannak Ordination cu Archbishop Alphonse U Than Aung (Archbishop of Mandalay) nih 23 February, 1989 kum ah Hnaring khua ah a rak pek. Tlangbawi dirhmun in 1989-1997 tiang Tedim ah Pathian rian a rak tuan. Cun, 1998-2006 tiang Hnaring ah a rak tuan i 2007 - 2013 tiang St. Joseph’s Cathedral, Hakha ah a tuan.
Bishop Lucius nih a nunchung ah zulh dingin aa thimmi Motto (kuttlaih biatlang) hna cu: Brother (Major Seminarian) a rak silio ah “Suffering, Silence and Prayer- zonzaih retheihnak, Daite in umnak le Thlacamnak” timi asi i Siangbawi Orination a ngah hnu i a Motto cu “Thy Will Be Done – Na duhnak bangin si hram seh” (Mt. 6:10) timi asi. Bishop a can hnu i a Motto cu “Thy Kingdom Come – Na Pennak tlung ko seh” (Mt. 6:10) a si.
23 October, 2013 zarhteni ah leicung kenkip um Catholic Bupi i kan pabik asi mi Pope Francis nih Msgr, Lucius Hre Kung cu Hakha Diocese caah Bishop si dingin thimnak thanhca cu Vatican khualipi in a rak chuah.
2 Febraury, 2014 ah Chinram, Khualipi Hakha, St. Joseph Cathedral ah Bishop cannak Episcopal Ordination cu Kawlram um Catholic dihlak hna i pabik asi mi Archbishop Charles Maung Bo (Archbishop of Yangon) atu Cardinal, kut tang in Bishop Lucius Hre Kung nih a hmuh.

Pathian nih a tuurun cawngnak lamthluan ah thluachuah pekchin ko seh!

RVAHakha Chin Service

Add new comment

2 + 6 =