Leitak Parish Thar Honnak

Zophei peng, Leitak khua(Modern) ah Parish thar honnak. Photo - RVAHakhaChinService

Hakha Diocese, Thantlang peng um Leitak Khua December 3, 2020 ni ah Leitak St.Peter Parish a thar in honnak tuah a si tiah tiah theih a si.

Leitak (Modern) ah a tthu ding mi Rev. Fr. Augustine nih: " Nihin ni ah a hung phan cang mi Parish si nak nih ka lung re cu a ka theihter ngai. Sihmanhsehlaw, Pathian nih a kan um pi ko lai. Hi Parish honnak ni ah a rak kan telpi kho mi Bishop Lucius siseh, Siangbawi, Sisters hna nan dih lak cungah lung lawmhnak tampi ka ngei. Cun kan Parish chungum Saya te hna le mino hna, Khrihfa hna nan dihlak cungah lunglawmhnak tampi ka ngei" ti in a chim.

Bishop Lucius Hre Kung nih: " Nihin ni cu Mithiang Francis Xavier puai ni he aa tonh ni caan a si bangin, Zophei tlang chungah Pathian Thluchuah a um hrimhrim lai" tiah a chim ve.

Leitak khua um Khrifa upa a ttuan lio mi: Peter Hram Vung nih: "Parish pakhat a si khawhnak hnga ding caah thlacam hmuitinh kan ngeihnak hi kum 51 a si cang. Pathian thangtthat cio hna u sih. Kan cungah Thluachuahnak tampi a kan pek" tiin lunglawmhnak bia a chim ve.

Parish thar chungum Catholic Khihfa hna zong tampi an tlung kho.

Hmailei Parish an um kal tuahser nak cungah an i hmuitinh mi Pa Pathian nih Thluachuahnak pe hram ko hna seh tiin RVA Hakha Chin service in thlaza ka in cam piak hna.

Add new comment

4 + 3 =