May 13 ni Bawinu Mary puai ah pumpak in i tello dingin Fatima nawl ngei phu nih biafehnak an tuah

Credit to Original uploader

Denver Newsroom, May 7, 2020 / 03:48 pm MT (CNA)-. Kum caan saupi chungah tu kum May 13 ni Fatima Bawinu puai tuah ding cu pumpak tello in a voikhat nak bik tuah a si lai tiah Fatima bishop nih a chim.

Cardinal Antonio Marto nih May 3 ni thawngthanhnak ah Fatima Bawinu puai kong he pehtlai in a chim: “April 6 ni i thawng rak thlah cang bangin Fatima Bawinu puai cu pumpak  tello in tuah a si lai. Zeicah kan ti a si ah cun chawnh khawh a fawi ngai mi zawtnak hrik in kan him cio nak hnga caah a si” tiah a ti.

“ Penguk bawi hna he rak timhtuah a si cang bangin, tu kum Bawinu Mary puai May 12 le 13 ni hna ah hin cun pumpak in tel cio lo ding le media lei in live in thlah piak dingah kan i tim” tiah Cardinal nih a chim chap.

Cardinal Marto nih a bik in a chim mi ah mi vialte ngandam nak kong in siseh, pawngkam a um mi hna cungah dawtnak langhter an duh caah hi bantuk mibu he pumh-ti lo ding biakhiah nak nawl an chuahnak zong a chim.

Fatima Bawinu lungkua a zohkhenhtu Fr. Carlos Canecinhas nih kum tin Fatima Bawinu sin khual a tlawng mi hna sinah pumpak in an i tel khawh cio lo zongah lungthin in i tel cio dingin sawmnak bia a chim.

 “ Tu lio hi cu a fak ngai mi caan an si, Bawinu Mary lungkua cu mi vialte cohlan dingah rak ser mi a si. Tu lio caan ah kan tuah kho lo. Ngaihchia cu a si ko. Sihmanhsehlaw, phundang in kan hun zoh tthan a si ah cun hi bantuk biakhiah nak kan tuah mi zong hi khual a tlawngkal mi hna ngandam nak caah le tthat nak caah a si ko ” tiah mah Siangbawi pa nih zong a chim ve.

A tang lei link in relchap khawh a si.

https://bit.ly/2yGAMSL

 

Add new comment

6 + 4 =