Ngaknu thiang (Sisters) hna karlak ah Covid-19 zawtnak in Italy ram um Sister hna umnak hmun pakhat in sister paruk an thi.

Ngaknu thiang (Sisters) hna karlak ah Covid-19 zawtnak an i chawnh caah Italy ram um Sister hna umnak hmun pakhat in sister paruk an thi. . .
Italy ram ngaknuthiang (Sister) hna an umnak inn pakhat ah sister paruk an thi cang. A dang pakua hna sin zongin Covid-19 zawtnak an hmuh hna caah an thlop lio hna a si. Italy ram Tlangval thiang hna le ngaknuthiang hna um nak hmun ah hin hin Covid-19 zawtnak a karh ngai tiin Italy ram media pawl nih an ti.
Tortona um ngaknuthiang hna umnak ah Sister sawmli (40) an um i cu chungin minung pakul (20) sinah cu Covid-19 zawtnak an hmuh.
Italy ram um “La stampa” thawngzamhnak nih a ttial mi cu: “a tang mi paku(9) chungin pali (4) cu damnak an hmu tthan cang” tiah a ti. A ttial chap tthan mi cu: “an mah hna sinah hin Covid-19 zawtnak hi hmun khawh a fawi deuh men lai. Zeicah kan ti a si ah cun hi mi hna hi har a tong mi hna le Covid-19 in a zaw mi hna a zohkhenhtu an si hlei ah mibu he aa tong deuh mi an si caah a si”.
Rome khua Convent pahnih (2) ah Covid-19 zawtnak cu minung sawmnga le pariat sinah hmuh an si cang. Angelic Sisters pawl hi pakul le pakhat (21) an si i, pahleikua (19) sinah cu zawtnak cu an hmuh cang hna tiah theih a si. Parma khua i St. Francis Xavier phu hna chung hmanh ah February thla-thawk in a tar cang mi Siangbawi le Brother pahleiruk (16) an thi cang tiah theih a si. An thih tak nak sullam hi Covid-19 zawtnak ruangah maw a si, a siloah a dang zawtnak in dah an thih ti hi fiang tein theih a si rih lo tiin CNA thawng zawmh phu sinin theih a si.

https://bit.ly/2xHZIbO