Olympic Puai

Japan ram Tokyo i Archbishop nih Covid_19 zawtnak hrik karhnak khamkhawhnak caah Olympic Lentecelhtu hna le lentecelh cawnpiaktu (coaches) hna nih local biakinn hna ah tlawnglo dingin zaangfah a nawl hna.

Archbishop Tarcisio Isao Kikuchi nih a chimchap rih mi cu “kanmah hna zawtnak a kan chonhlonak dingah le zawtnak kha midang sinah a phawtzamtu kan silonak hnga caah asi” tiah a ti. Puaichung vialte local church hna ah tlawnglo ding asi lai a ti rih.

Tokyo Archdiocese nih hlankanh in timhcia asimi Japan ram i a ra hna ding mi vialte i thlarau lei a herhmi hna cu parish kip nih tuahpiak khawh asi lai timi zong kha Kikuchi nih a chim.

Hi Olympic puaipi cu July 23, 2021 ah Japan ram Tokyo ah tuah asilai tiah thawng kan theih.