PENANG DIOCESE AH CARDINAL THAR

Cardinal a hmuh lio

Saturday, January 20, 2024

Malaysia ram Panang Diocese ih Bishop Sebastian Francis in Cardinal sinak ngah.(January 14, 2024)

Malaysia ram Penang Diocese i Bishop Sebastian Francis nih Cardinal sinak a hmuh (January 14, 2024)

Malaysia ram Penang Catholic Diocese nih January 14 ni ah, Vatican nih Bishop Francis cu Cardinal canternak a pek caah, lunglawmh Missa Raithawinak he an conglawmh.

Missa Raithawinak cu Cardinal Francis nih a hruai i Mongolia Cardinal Giorgio Marengo, Cardinal William Goh Seng Chye (Singapore Archbishop), adang Bishop pawl, Tlangbawi pawl, Sister pawl le Zumtu Khrihfa pawl an i tel. Cupinah ahlan i Federal Minister a ṭuanbal mi Tan Sri Bernard Dompok le Lim Guan Eng hna zong an i tel ve.

Daneil Gooi Zi Sen le Lim Siew Khim pawl cu Malay tikhul sak lam tluan ah a um mi Malay ramthen Panang ramthen a cozah aiawh tu an si.

Cardinal Sebastian Francis cu November ni 11, 1951 kum ah Jahor Bahru ah a chuak. July ni 28, 1977 kum ah Johor ram Melaka ah Tlangbawi cannak a hmuh. 2012 kum July ni 7 ah Penang Bishop si dingin thim asi i August ni 20, 2012 ah Bishop cannak a ngah. Amah cu an Diocese i a panganak (5) Bishop asi.

Pope Francis in 2023 September 30 ah Cardinal dinhmun ah a rak khaisang. Meeting an tuahnak sungah Santa Maria Cause Nostrae Laetitiae ih Cardinal Priest ah nikhat niah a rak khaisang a si.

Pope Francis nih September ni 30, 2023 ah amah cu Cardinal dirhmun ah a cawisang. Cardinal pawl meeting tuahlio ah, Pope Francis nih amah cu, cuni ṭhiamṭhiam ah Santa Maria Cause Nostrae Laetitiae i Cardinal- Priest ah a cawisan chih.

Santa Maria Causa Nostrae Laetitiae cu Rome khuapi nichuahlei ramri i a ummi kumzabu (20) hrawng i parochial Biakinn asi.

Amah cu Penang i diocese he pehtlaihmi thil hna ah lungtho ngaiin a cawlcangh i mino pawl thil tikhawhnak huham (nawlngeihnak pek) peding ah lungtling ngaiin bawmtu a rak si.

2023 kum thokin Cardinal Sebastian cu Asian Bishop pawl Conferences (FABC) i Office of Social Communication (OSC) Chairperson dirhmun in riantu asi. (RVA in kan lakmi asi)