POPE CU ASIAN RAMLI A TLAWNGLAI

Tukum chungah Pope nih Indonesia, Singapore le Timor – Leste hna ah tlawn aa timh (January 10, 2024)

Pope Francis cu August thla dongh leiah Asian i ramli asimi Indonesia, Singapore, Timor-Leste le Papua New Guinea hna ah tlawng dingin timtuahnak a ngei. America i Jesuit pawl i thlatin chuahmi thawngpang pakhat i a tarlangh ning ahcun, hihi Pope Francis i 2020 lio i aa timhmi asi a ti. Asinain Covid-19 tlangrai zawtnak ruangah aa timhmi a tuahkho lo a ti.

Timor-Leste ram cu Asian ram ah Catholic mipum a tambiknak hmun asi i an mipum cu 1.4 nuai (million) an um. A linglet leiin kan tiah cun Papua New Guines ah mipum 10 nuai (million) i zatuak 26% cu Catholic an si. Pope Francis cu vawlei cung i ram hmete pahnih sin i  a kal duhnak a rauhtuk cang tiah an tarlangh.

Kapkhat leiah Indonesia ram cu vawlei cungah Muslim tambik umnak ram pakhat asi i Singapore zong nih Vatican ah nawlnak ca an kuatnak zong an chim. Asiko lai kan ti khawhlo nain, tukum chungah Vietnam zong a tlawng kho men. Ti duhnak cu Holy See le Vietnam karlak ah pehtlaihnak a ṭha chinchin ruangah asi.

Vietnam cozah nih Holy See zung on khawhnak a pek cang i, kan hnu kum ah Vatican aiawhtu pakhat a rak umcang. Hihi cu Vietnam ram a buai hnu i ahmasabik thil tuahmi asi. Kan hnu kum July thla ah, Vietnam President cu Pope he, tonnak an ngei i December thla ah Poe sinah Vietnam ah thlawng dingin zaangfah halnak ca ka kuat cang tiah president nih cun a chim.

Asian ram hna pinah Pope cu tukum chungah Belgium le Argentina (a chuahkeknak ram) tlawng dingin timhtuahnak a ngei tiah an chim.

France ram President Emmanuel Macron nih Pope cu min a thangngai mi Notre- Dame Cathedral Biakinnpi, 2024 December ni 8 ah on ṭhannak caanserh tuahding in, Paris rat dingah kan sawm nain amah i caanserh pawl zeihmanh a kan theihternak a ngei rihlo tiah a chim. Pope Francis cu 2013 kum, Pope a canthok in Italy ramleng ah voi (44) a tlawncang i, ram (61) ah a tlawng cang.

#Hi thawngpang cu RVA in kan lakmi asi.