Pope Francis

Khuk fah ruangah Pope Francis cu Corpus Christi Missa a hruai kho lailo

Pope Francis cu khuk fahnak pehzulhin a tuarrih caah Corpus Christi (Bawipa Thisa) puai Missa asiloah Bawipa thisa vahpinak ah a tel kho lailo tiah Holy See Press Office nih nem a hnget. A luanciami kumhnih chungah, Covid_19 zawtnak rai ruangah zawtchonh khamkhawhnak hnga caah Missa raithawinak cu St. Peter Biakinnpi ah zumtu mi tlawmte he artleng in kal nuahmahnak umloin tuah asi tawn.

Deborah Castellano Lubov in

A khuk fahnak ruangah Pope Francis cu rikhiahnak a phunphun chunh asi i a sunglawi mi Corpus Christi puai le biaknak le thlacamnak cu a tuah lailo.

Cucu puaipi tuah hlanah Holy See Press Office nih cacawn nikhatni ah hlankanh in thanhchung mi asi.

Tukum Corpus Christi puai cu June ni 16, cacawn nili ah asi i diocese cheukhat hna ahcun June ni 19, zarhpini ah `thial a si.

Khrih i athiang mi a pum le a thi puai ah Pope Francis nih kum tampi St. John Leteran i Papal Basilica tual chungah ningkel in Missa cu tuah asi tawn i zumtu mipi he Rome's Marian Basilica of St. Mary Major leiah artlang in an kal nuahmah tawn.

Covid_19 zawtnak rai a umchung Corpus Christi puai tuahning

A ralai mi kum hna ahcun, Missa raithawinak le artlang in kalnak cu Rome pawngkam i a ummi parish hna ah le hmunhma pawl ah phunglam bantukin tuahding ah Pope Francis nih bia a khiah.

Asinain, Covid_19 zawtnak rai ruangah aliamcia mi kumhnih chungah cun artlang in mipi kalnak cu a ningpi in an i ngol ta i St. Peter Basilica ah zumtu mi tlawmte he an tuah.

 

Add new comment

4 + 3 =