Pope Francis Christmas caan Programme

Photo Credit

Tu lio Covid-19 zawtnak ruangah mi buin pumh khawh lo le puai tuah khawh lo mi hi vawlei cung khua-kip ram-kip ton cio mi a si.

Tu kum Christmas caan le kumthar caan pumhnak caan he pehtlai in Pope Francis nih aa tinh tuah mi  a langhter cang.

Tu kum Christmas ni cu zan suimilam 7:30pm(Rome time) in tuah a si lai i cu pumhnak zongah tinhtuah cang ning bangin mi tlawm te lawng tel in pum a si lai. Ca Cawn Nili ni, Vatican thawng zamhnak in an thanh mi thawngpang ah: “December 24, Christmas zan pumhnak cu St. Peter’s Basilica Biakinn pi ah tuah a si lai”. Pumh dih in “Urbis et Orbi” vawlei cung Ramkip,khua-kip thluachuah pek nak in pehzulh a si lai.

December 31, Nili ni zanlei 5:00pm ah Pope Francis nih St. Peter’s Basilica ah “Vespers” zanlei thlacamnak a tuah pah in kum hlun chung ton mi thluachuah vel lawksawng vialte hna caah Pathian sin lawmh nak thlacam hla “Te Deum” pekchanhnak a tuah chih lai.

A thaizing Ninga ni, 1 January, “Bawinu Mary Pathian i Nu” (Mary, Mother of God) puai le Vawlei pumpi daihnak (World Day of Peace) puai cu zing suimilam 10:00am ah tuah a si lai. Langhter mi (suimilam) caan  vialte hi (Rome time) in langhter mi an si.

Add new comment

4 + 2 =