POPE FRANCIS HUNGARY A TLAWNG LAI

Pope Francis nih April thla chungah Hungary tlawn aa tim!

Pope Francis cu April 28 in 30 tiang Hungary ah tuukhal khualtlawnnak a tuah lai tiah Vatican The Holy See Press Office i Director Matteo Bruni nih February 27 ni ah a chim.

Cozah lei le biaknak lei hruaitu upa hna i sawmnak cohlang in Pope Francis cu Hungary tlawnding asi i Budapest khuapi zong a tlawngchih lai tiah theih asi.

Cu Hungary a tlawnnak cu Pope Francis i ramleng tuukhal khualtlawn avoi (41) nak asi lai. Budapest khuapi i ni (3) a umchung ah, ralzam hna, misifak hna le Blessed Laszlo Batthyany- Strattamann Sianginn i ngakchia hna a ton hna lai tizong in theih asi.

Hungary i sibawi Blessed Laszlo Batthyany-Strattmann nih pum hlaithiamnak le mit lei zohfelnak lei hleice tukin tuahnak ca i sii-innpi pakhat a ngei. Mi chambau hna kha chawva siseh, hnipuan siseh, sii siseh a bawmh tawn hna. Mizaw hna i taksa thlarau damnak ca   a bawm tawn hna. Annih nih pum khuaihlainak an tuah piak ko nain Pathian nih a damder; Pathian i hmanmi men an si tiah a rak chim tawn. Amah cu 2003, March 23 ni ah Pope John Paul II nih Blessed dirhmun ah a rak cawnsan.

Hmundang ah a tuahtawn bantuk khan atu zongah Pope Francis nih cozah lei le biaknak lei ṭuanvo ngeitu hna, zung thiamnak he aa pehtlaimi le fimnak lei i pum petu hna telhin mi tinkip he tonnak a tuah hna lai.

2021, September 12 i Slovakia ram a tlawnlio zongah Pope Francis cu avoi (52) nak International Eucharistic Congress i a donghnak Missa Raithawinak tuah dingin Budapest khuapi ah aa din bal.

Hungary ah milu 9.5 nuai an um i, cuhna chungin zatuak 37% cu Catholic Khrihfa an si.

Tualchung thawngpang bantuk asiahcun, ralbuai a thok in minung nuaikhat hrawng cu Ukaraine ram in Hungary ram ah an beu ti asi.

Vatican thawngthanhnak i a tarlanghmi bantuk asiahcun, Pope Francis i Hungary a tlawnlio i caan a hman hnga ning cu a tanglei bantuk asi.

 

POPE FRANCIS I HUNGARY RAM TUKHAAL KHUATLAWNNAK 28 - 30 APRIL 2023

Friday, 28 April 2023
ROME – BUDAPEST
08:10 Rome/Fiumicino International Airport in Budapest ah a zuang lai
10:00 Budapest International Airport ah a phan lai
10:00 Official in donnak

11:00 "Sándor" Palace Tualrawnpi in donnak
11:30 "Sándor" Palace ah President he i tonnak
11:55 Prime Minister he i tonnak
12:20 Hlan i Carmelite Monastery Sianginn ah Cozah hruaitu upa pawl, mipi hawikomh dangdang pawl he itonnak ah Pope Francis nih biacah tawite a chim lai.  
17:00 St. Stephen's Co-Cathedral Biakinnpi ah Bishop pawl, Siangbawi pawl, Deacon pawl le Pathian rianṭuantu dangdang pawl he i tonnak le Pope biachimnak 

Saturday, 29 April 2023
BUDAPEST
08:45 Blessed Laszlo Batthyany-Strattmann Sianginn i ngakchia pawl he i tonnak 

10:15 St. Elizabeth Biakinnpi ah Mi sifah pawl le beunak kawltu pawl he itonnak (Pope nih biacahnak a tuah lai)

16:30 "Papp László Budapest Sportaréna" i ummi mino pawl he i tonnak (Pope nih biacahnak a ngeilai) 

18:00 Apostolic Nunciature i ummi Jesuit chungtel pawl he i tonnak

Sunday, 30 April 2023
BUDAPEST – ROME
09:30 Kossuth Lajos' Square Tualrawnpi ah Missa Raithawinak (Pope nih Thawngṭha a chim lai)
Regina Caeli
16:00 "Péter Pázmány" timi Catholic University Sianginn i cacawnnak le nunphung lei ṭuanvo ngeitu hna he itonnak (Pope nih biacah tawite a chim lai)   
17:30 Budapest International Airport ah Thlahnak
18:00 Budapest International Airport in Rome ah a zuang lai
19:55 Rome/Fiumicino International Airport ah a phanṭhan lai

https://bit.ly/3ycecfG

 

Add new comment

2 + 2 =