Pope Francis nih American mipi sin ah bia a chim

Photo Credit

Democracy khamh ding le i rualrem thannak santer dingin Pope nih American mipi sin ah bia a chim.

Kan hnu America ram i an tuah mi tonpumhnak nih American President thimnak cu Joe Biden nih teinak a hmuh tiah phung ning in an fehter mi thawngthanhnak cungah lungtling lo mi cheukhat nih Parliament innpi an luhhnawh in buaibainak an rak tuah mi he pehtlai in Zarhpi ni Angelus thlacam a dih hnu ah Pope Francis nih hi ti hin a chim.

“Tonpumhnak theipar (aphi) ruangah thinphang thlalau in a um mi American mipi kha dawtnak  le thaihchan ngai in kan biakchawnh hna. Cu thil sining ah a nunnak a liam mi pa 5 hna ca zongah thla ka campiak hna. Mipi lei kap nih Democracy kha khamh cio ding, rualrem thannak kha santer cio ding le tuanvo theihnak thinlung ngeih cio dingin kan hal ko hna.”

Thihphaihnak cu mah pum kha a hrawk zungzal tu a si. Pope nih : “Thihphaihnak kha al uh. Hmape thlop nak caan a cu cang. Thihphaihnak ruangah zeihmanh hmuh khawh a si lo. Sungh zatlaknak lawngte a chuahter lai. Thihphaihnak cu a zungzal in mah pum a hrawk tu a si” tiin a chim chap.

Cu hnu ah, “thinhunnak a dairemter mi tuanvo hngalhnak laungthin ngei cio u. Miphun rualrem thannak kha santer cio ding le American minung phu ah thihri a bunh mi Democracy man hna khamh cio ding caah Cozah nawl ngeitu hna le mipi dihlak kha kan forh hna”.

A donghnak ah, “America ram i a ummi dihlak hmunkhatte kutsih in mi zapi thathnemhnak tuah awk lam sinak in pakhat le pakhat ton biaruahnak le tha tein ralrinnak ngeih kha pehzulh in nunter awk caah kan bawmh hna lai” tiin American ram zohkhenh bawmchantu sualhram ngei lo in a pawi mi ngaknu thiang Mary sinah Pope nih thla a campiak hna.

 

https://bit.ly/38ydZHW

Source: Vatican Media

A lettu: Norbert Ca Ling (OSC-Hakha Diocese)

Add new comment

2 + 13 =