Pope Francis nih Bawinu Mary sin Thlacam Bawmh halnak a hruai lai.

Pope Francis nih Bawinu Mary sin Thlacam Bawmh halnak a hruai lai.

Bawinu Mary sin thlacam bawmh halnak le chawnhkawh a fawi mi covid-19 zawtnak in luatkhawhnak hnga ding caah Pope Francis nih thlacam nak a hruai lai.

May 30 ni ah Pope Francis nih Vatican dum chung um Lourdes Bawinu Grotto in Pentecost puai hlan deuh te ah thlacam nak a hruai lai i cu ka hmun ah cun covid-19 zawtnak in a dam tthan cang mi hna zong tampi an i tel ve lai” tiah Vatican thawngzamh phu hna nih May 26 ni ah an chim.

 “Pope Francis nih Bawinu Mary ke hram ah harton nak vialte hna le mi hna i ngaihchiatnak hna, a bikin Covid-19 zawtnak ruangah vawlei cung khua zakip nih harnak an ton mi vialte kha ap in thlacam nak a tuah lai” tiah the Pontifical Council for Promoting New Evangelization phu lei nih an chim.

Cu thawngpang thanhnak ah cu: “Bawinu Mary thla dih ni a si bantukin, khat te lei in Coronavirus zawtnak a tong mi vialte hna hnemhnak ding caah siseh, a thianghlim mi kan Bawinu Mary nih himnak caah kan hal mi a kan theih piak hrimhrim ko lai” tiin an ti.

Pope Francis nih thlacam a hruai hna tikah doctor pakhat le nurse pakhat zong a pawngah an i tel ve lai. Cun covid-19 zawtnak in a dam tthan cang mi hna le cu zawtnak ruangah thihloh a tong mi tantak chungkhar hna zong an i tel ve hna lai.

“Siinn lei zohkenh tu siangbawi hna, doctor hna, thawngzamh phu hna, volunteer hna le nau ngaih aa tim mi chungkhar hna zong an i tel hna lai bantukin, kam khat lei ah “thihnak tei in nunnak lam ruahchan nak langhternak a si” tiah Pontifical council lei nih an ti.

Vawlei cung um Bawinu Mary lungkua um nak hmun vialte hna zong nih tel cio a si lai i, Washington D.C um “The Basilica of the National Shrine of the Immaculate Conception” zong hlei ceh in an i tel ve lai.

https://bit.ly/2TCEJz9