POPE KHUAL A TLAWNG LAI

Pope Francis i Marseille khual a tlawnnak ding tikcu caan hmanding a thanh

(september 19, 2023)

Holy See Press Office nih nunphungphai tampi a ngeimi Marseille khuapi ah Pope i khual a tlawnnak, caan hmanding hna cu cipciar tein a thanhcang.

Holy See Press Office i Director Matteo Bruni nih Pope Francis i a rauhlan ah khual a tlawnnak ding le caan hmanning hna kha cacawn nihnih ni ah a thanh.

Suimilam sawmthum (30) chung Marseille ah

Phungning in thanhmi ca ah, Pope Francis cu France thlanglei khuapi ah atu zarh cacawn ningani in zarhte ni tiang a tlawng lai i cu hmun um, miphun hna, biaknak le nunphung karlak dirh aherhmi biaruahṭinak  (Mediterranean Meeing) ah aa tel ai. Cacawn nihnih ni i an chuahmi thawngpang ah Pope Francis cu Rome i Fiumicino Airport in cacawn ninga sml 14:35 chun hnuin aa thawh lai i sml 16:15 ah France a phan lai.

France Prime Minister nih a don hnuah Pope cu Marseille i Notre Dame de-la-Garde i Basilica biakinnpi ah a kal lai i cuka Diocese i Tlangbawi pawl he hmasabik thlacamnak an tuah lai i hawikomh phuntling phu i upa hna he Stella- Stella Maris i Caritas Gap-Brian on, and the Associoation de secours en mer tilawng rianṭuantu hna, hmunṭhialmi hna le ralzaam hna he an i tong lai.

Cuhnu zarhteni September 23 ah chaklei Africa, alaifang nichuahlei le Europe thlanglei in Bishop hna, Mino hna i Mediterranean Meeting adonghnak pumhnak ah a telpi hna lai. Cu dihah France President Emmanuel Macron he adang tein tonbiaruahnak an ngei lai.

 Pope cu chuncaw a eihdih hnuah Marseille i Velodrome Stadium ah mipa pawl he Missa Raithawinak a tuah lai. Cu adih in Rome khuapi leiah sml 20:50 ah a kirṭhan lai.

Vatican News (Fbk)