Pope nih a khuk fahnak kong a chim

Photo Credit

Pope Francis nih amah ton biaruah dingin a ra mi trinitarian phu chung tel hna he an i ton lio ah “Dir buin saupi bia kan ruah khawh hna lo hi ka khuk a fah caah a si,” tiah a ti hna.

Hlaan ah cun “khuk fah zawtnak hi sister pawl zawtnak a si” tiah dawtnak capo in a rak ti bal hna. Zeicah kan ti a si ahcun sister pawl cu khukbil buin thlacamnak saupi a tuah lengmang mi an si hna i caan sau a rauh hnu ah khukfah an ngeih tawn caah a si. “Hi ka khuk a fah mi zong hi a dam than te ko lai, riantuan ding tampi a um rih” tiah a ti.

Pope Francis he aa tong mi trinitarian phu hna cu kum zabu 12 kum lio ah St. John of Matha i Khrihfa thongtla hna caah rak dirhmi phu a si.

Kum 85 a si cang mi Pope cu hi bantukin khuk fahnak a intuarnak caan a sau cang caah cheukhat biaknak caan hman lio hna zongah a thut buin aa tel hi a hung tam ngai cang.

Tukum thawk in Pope nih programe aa ngeih mi chungin aa tel khawh mi hna zong an hung zor ngai hna. A ruang cu a khuk a fah caah a si.

“Khuk fah zawtnak hi tar pawl lawng nih an tuar ding a si nain zei ruangah dah kei ka tuar ve hnga ka thei lo,” tiah a mirh pah in a pawng ummi hna sinah capo bia a chimh hna.

A thiang Ninga ni pumhnak caan i vailam hmai bawh buin upat peknak caan lio zongah a tuah kho lo. Thawhthan ni phungchimnak a dih in tipil nak zong mi tampi a pek ko hna nain a um kal tik caan paoh ah a pawngah bawmtu hna sin in thut-dir caan le tum-kai caan ah bawmhnak tampi a herh zong hmuh a si.
https://bit.ly/3MvWqcC

Add new comment

3 + 14 =