Protestant minthang YouTube host pakhat nih Catholic zumhnak cohlaan dingin kaa tim cang tiin thawngthanhnak a tuah 

YouTube screenshot

A laar ngai mi le mi minthang ngaimi Protestant YouTube host pakhat a simi Cameron Bertuzzi cu Catholic pakhat si dingin timhtuahnak a ngeihnak kong online cungin cacawn Nili ni ah thawngthanhnak a tuah. 

“Thawngthanh kan duh mi hna cu, Sept. 20, 2022 ni thawk in Catholic pakhat siding in timhnak ka rak ngei. Atu hi Pathian Bia (RCIA- Rite of Christian Initiation of Adults ) ka cawn cuahmah lio a si. A ra lai mi Easter ni ah a tlingmi Catholic Khrihfa sinak ka hmu lai,” tiin Bertuzzi nih a YouTube video ah a chim.

Hitin lungthlennak a ngeihnak hi “Pope dirhmun le uknak ningcang hna kha doh dingah thukpiin kawl-hawl nak ṭha ka tuah hnu ah Catholic pakhat si dingin biakhiahnak ka tuah mi a si,” tiah a lungthlennak kong he pehtlai in a chim. 

“Protestant pakhat ka si bangin ka lungchung thil um ningin, khing zaang ngai in hlathlainak ka tuah ko. Zeitlukindah kaa timh tiah cun a ka fianh khotu hna hnu zulh ding tiangin timhnak ka ngei. Hi ka kawl mi nih fiang tein a ka theihter khawh a si ahcun ka chungkhar caah siseh, keimah caah siseh nuamh lonak a ka pek zongah ka cohlaan ko lai,” tiin Bertuzzi nih a ti.

A hawi dang Protestant hna nih an ruah mi cu “Hitin study a tuahnak nih hin Protestant pakhat a sining a zumhnak tu kha a fehter chin ko lai” tiin an rak ruah; sihmanhsehlaw “an palh dih cikcek” tiah a chim.

Cun “Fiang tein ka hmuh mi cu Pope uknak hi a hman tuk mi a si” tiah a ti.

Khrihfa zumhnak kong he pehtlai in thlah mi Bertuzzi i a Youtube channel hi 150,000 hrawng nih subscribe an tuah mi a si. Media channel dang tampi zongin Catholic biaknak phung luh dingin aa timhnak  kong he pehtlai in fiang tein chim dingin timhnak zong a ngei rih. 

Catholic Youtube minthang pakhat a simi Pints with Aquinas timi channel ah host pakhat a simi Matt Fradd zong nih, “Hi thawngpang ka theih cu ka lung a ka thawhter ngai. Van ruat ve hmanh law, amah nih Rome khua um Vatican tiang kalnak a dih ding mi vialte pekpiak dingin le ka khualtlawnnak sining cang vialte tling tein amah channel ah langhter dingin timhtuahnak a ngei,” tiah a ti. 

“Catholic Biaknak ah luh dingin kaa tinh ruangah keimah cungah siseh, ka innchungkhar cungah siseh, cun hawidang hna cungah siseh a hung chuakmi theihsualnak tete hna zong tampi an um. Kaa tinhmi kong he pehtlai in fiang tein theih na duh ahcun Matt Fradd le keimah nih Pints with Aquinas timi channel in thaizingah Vatican in live kan thlah lai,” Cacawn Ningani, Nov. 18 (Kawlram Zarte Ni, Nov. 19). 

Bertuzzi nih amah channel in Catholic chungin si hna seh, Khrihfa min thang tampi tonnak, biaruahnak a rak tuah bal cang. Cu hna chung cun Catholic apoligists a simi Trent Horn le Jimmy Akin, Winona-Rochester Diocese hruaitu Bishop Robert Barron, theologian le professor a simi Scott Hahn, cun Fradd le Indianapolis Archdiocese in thlarau ṭhalo ṭhawltu pakhat a simi Father Vincent Lampert hna zong an i tel. 

Barron le Lampert hna he biaruahnak video zong cu mi thong tampi nih rak zoh cio mi a si.

Bertuzzi channel cu hi ka zawn hin hmet law (here) zoh khawh a si.

Bertuzzi nih a thlahmi thawngthannak zoh na duh a si cun https://bit.ly/3TOs5ck  in zoh khawh a si. 

Catholic News Agency ah mirang ca in zohkhawh a si. https://bit.ly/3Gt7k3d

Add new comment

8 + 7 =