RADIO VERITAS NIH DOCUFILM AN PIAH

Radio Veritas nih tuahmi tuanbia chungluh zuknung cu atu Philippines i cinema ah an piah

Radio Veritas Asia le Radio Veritas 846 hna nih Philippines ram khualtlawn cawnsannak phufonh le Creative Travel and Tours International phufonh hna nih Philippines ram, Quezon City i cinema ah Docufilm cu an rak piah liopi asi.

Kualtlawnnak tiin minpek asimi philhlonak zuknung: Philippines ah Catholic zumhnak a phannak kum 500 tlinnak ah aliamcia kum 500 ah Philippines ram i Khrihfa zumhnak a karhthawk ning le atulio i a umtuning hna an tarlang.

Cu zuknung chungah tuanbia le ramchung ah ahmasabik mipi tharchuah `hannak le kum tampi chungah zeitiindah a rak cawlcangh timi hna an tarlang. Zuknung cu Radio Veritas i tuanbia tawi le rampi i Catholic zumhnak hna zong a tarlang chih. Ahleice in January ni 18-31 tiang Quezon City i Fishermall Cinema ah an tarlangh lai. Mall chapel caah Our Lady of Fatima zuk zong kha Radio Veritas 864 le Radio Veritas Asia hna nih 2023, January 24 ah an rak chiah.

Radio Veritas Asia i General Manger, Fr. Victor Sadaya, CMF le Radio Veritas 864 i Vice- President Fr. Roy Bellen hna nih zuk thluchuah peknak an hruai hna. Docufilm cu April 23, 2022 ah Radio Veritas Asia auditorium ah an piah thok i cu zuknung copy cu Philippines Catholic Bishops’ Conference ai-awh in Bishop Pablo Virgilio David sinah an ap. Ramchung um Diocese tinkip le phufonh hna sin zongah an rak phot hna.

Fr. Victor Sadaya, CMF nih zumtu pawl kha philhlonak zuknung zohcio dingin a rak sawm hna. Philippines i zumnak lei khualtlawnnak lamthluan ah kanmah i philhlonak zuknung zoh dingah hika hmun in kan sawm hna. Cu nih, Pathian nih zeitluk indah hi zumhnak he thlua a kan chuah i zeitiin dah a `hanter” tiah a chim.

Rampi i Khrihfa zumhnak a thawknak cu, 1519-1522 tiang Spain ram i tinhnak ngeiin khualtlawnnak hruaitu, kum zabu 16 i Portuguese miphun Ferdinand Magellan cu Philippines ah nihin i kan theihmi bantukin ‘East Indies’ ah March 16, 1521 kum ah an phan. Tilawng rian`tuantu pawl cu cuhmun ah thlakhat le cheu umding in anni tim. Cu caanlio ah Leyte thlanglei, Limasawa tikulh ah ahmasabik Filipino vawlei ah Missa Raithawinak cu March 31, 1521 kum ah an tuah tiah zumh asi. Catholic Khrihfa zumhnak dirh dingin milu 800 hrawng nih ahmasabik tipilnak an ing.

Kanlaknak hrampi>>> https://bit.ly/3JeOQoy