Ram khat le ram khat thawngpang pehtlaihnak ni (May 17)

“Thawngthanhnak thilri le hman thiamnak nih hin vawlei cung minung thong tampi pehtlaih khawhnak a kan ngeihter. COVID-19 pulhrik chawnhkhawh zawtnak chungah hin hi bantuk thawngthanhnak hna hi hlan caan lio hna nak in tampi a biapit nak a langhter cang” tiah UN Secretary-General António Guterres nih a chim.

Ram khat le ram khat pehtlaihnak le thawngthanhnak “World Telecommunication and Information Society Day”(WTISD) i aa hmuitinh mi cu internet in siseh a dangdang thawngpang hna in siseh i pehtlaihnak thawng in, minung hna caah thangcho nak lei le chawva kawl-hawl nak lei ah lam tampi a hun piak khawh timi theihter nak caah a si.

May 17, ni cu International Telegraph(Ceenaan) Convention mintthut ni le the International Telecommunication(Settwezi) Union (ITU) phu minthut in rak dirh nak ni caan zong a si.

Vawlei cung um ram khat le ram khat i pehtlainak cu 1969 kum ah rak thawk a si i May 17 ni caan paoh hi “ram khat le ram khat thangpang pehtlaihnak ni” tiah kum fatin rak tuah a si. ITU rak dirh ni le 1865 kum ah minsen(sign) rakthut nak ni zong a si fawn.

2005 November thla vawlei cung thawngzamh phu hna ton biaruahnak ah May 17 ni hi ram khat le ram khat thawngpang in i pehtlaihnak ni siseh tiah bia an rak chuah pi. 2006 kum biakhiahnak an tuah lio caan ah (A / RES / 60/252) UN General Assembly nih vawlei cung um ram khat le ram khat thawngpang pehtlainak ni cu May 17 ah siseh tiin biafehter nak an rak tuah.

A tang lei link in hin relchap khawh a si.

https://bit.ly/33Me0F3