RVA MYANMAR SERVICES OFFICE ONNAK

RVA Myanmar Holhphun hna dihlak i Zungpi cu CBCM ah an hon

အာဗွီအေ မြန်မာ ဘာသာစကားအစီအစဥ်များအားလုံး၏ရုံးချုပ် CBCM ဖွင့်လှစ်

RVA Myanmar Holhphun hna dihlak i Hmunpi cu Yangon khualipi, Pyaylan i a ummi Catholic Bishop pawl Hmunpi CBCM kulh chungah June thla  ni (9) zanlei suimilam 5:30 pm ah hon a sicang.

Cu honnak program kha Asia leiṭhen Bishop hna hmunpi president le Myanmar ram Bishop hna president zong asimi Yangon Catholic Archbishop Charles Bo nih hruaiin an honmi asi i Pope i aiawh Msgr. Andrea Ferrante, Archbishop/ Bishop hna le RVA holh program pakhat cio in ṭuanvo latu coordinator cheukhat le rianṭuantu hna, tlangbawi, Brother le Sister hna, ahlu petu chungkhar le khuallian hna an i tel kho.

The National Coordinating Office of RVA Myanmar Language Services, RVA National zung asi khawhnak ding caah John U Aung Zaw Oo le Daw Aye Mi Khaing Tha Zin Soe innchungkhar nih tangka sing 350 tluk hrambunh piakin an hlutmi asi.

Puai program kha zung a luhnak kutka nganpi ah Cardinal Charles Bo, Mawlamyien Bishop Moris Ngut Wai le hlutu Daw Aye Mi Khaing Tha Zin Soe hna nih phehri tan i honnak in hram an thawk i, National zung i ruahnak petu asimi Rev. Fr. Bernard Dashi Tang Ji le Sakaw Karen program i ṭuanvo latu Rev. Fr. Hubert hna nih signboard puanzar kha hri in an hnuh i an hon.

Cuhnua ahcun Cardinal Charles Bo sinin zung honnak puai philhlonak hmanthlah  kha thluachuah pekin a hon i biacahnak a chim bangin, Msgr. Andrea Ferrante le national zung i ruahnak petu Rev. Fr. Patrick Soe Htun hna nih pakhat cio biacahnak, lunglawmh bia chimnak an ngeih hnuah Bishop hna i thluachuah vanluh le ro caah hman i thlaknak, hmunkhat tein zanriah dumṭinak hna in program cu an donghter.

Cu RVA National zungthar honnak ah hmanthlaknak le ṭuanvo latu hna cu CBCM_OSC Director asimi Rev. Fr. Paulinus Myat Kyaing he RVA Sakaw Karen le Po Karen program rianṭuantu hna nih siseh, puai ṭammawihnak kha St. Francis Xavier Sister hna nih siseh, puai uktu MC ah Sr. Lucia Thandar Aung SJA hna nih ṭuanvo lakin an bawmh hna.

RVA Myanmar Language Services ah RVA- Myanmar, RVA- Sakaw Karen, RVA- Po Karen, RVA- Cingphaw, RVA- Rawan, RVA- Lisu, RVA- Cho Chin (Mindat), RVA- Tedim, RVA- Hakha, RVA- Falam hna an i tel i, zung ṭhen pakhat cio cu, The National Coordination Office of RVA Myanmar Language Services zung he kutsihin rianṭuan asi cang lai.

Thawngpang

Sr. Lucia Thandar Aung (SJA)

Add new comment

4 + 16 =