SJA kum 175 tlinhnak Jubelii Puai

Lumbang ah SJA 175 kum tlinhnak Jubelii

Lumbang ah SJA Kum 175 tlinhnak Kubelii Puan an tuah

St. Joseph Sister of Apparation (SJA) hna i Myanmar ram chungah an phu a phanhnak kum 175 tlinhnak Jubelii puaipi cu, Assumption Parish Center Lumbang ah hlunghlai ngai in an tuah tiah thawng kan theih. Cu Jubelii puai ah Hakha Diocese a kan hruaitu Bishop Lucius Hre Kung, Msgr. Jerome le Siangbawi 18, Sr. 29, Bro. 4, Chrisma thazaang latu mino 347, cun Parish chung i Damah saya hna le Khrihfa upa hna le Lumbang khuachung i zumtu ulenau hna he October ni 23 ah an tuah.

Jubelii Missa Raithawinak a dih tikah Sister pawl nih Vatican, Federation of Asian Bishop confernces, CBCM (Catholic Bishops Conference of Myanmar) le Hakha Diocese luthlai Bishop Lucius Hre Kung hna i lunglawmhnak roco relnak an ngei i cu a dih tikah Bishop Lucius i Jubelii thluachuah peknak le philhlonak hmanthlak thlaknak in caan an donghter.

Cun, October 25 ni ah Diocese Level in Tribunal Court meeting cu Pastoral Center Hakha ah Canon law lei fimthiamnak degree a hmutu siangbawi hna le Bishop cu tonbiaruahnak an ngei. An ceihkhanmi cu zeitindah Hakha Diocese chungah Tribunal Court hi kan tuahlai timi hi abiapibik mi asi.

RVA i Zarkhat chung Thawngpang

Add new comment

3 + 6 =