A SUNGMI KUM 2024

Precelebration of Jubilee Pastoral center

Jubilee Kum

Tukum 2024 cu Rev. Fr. Abrahma Hrang Hit le Rev. Fr. Joseph Ro Nei Thang an pahnih caah kum sunglawi asi. Aruang cu tukum chungah Fatherte pahnih i Tlangbawi an cannak kum (25) Silver Jubilee phaknak caan asi.

Rev. Fr. Abraham cu Chuncung khuami asi i a Ordination hmuh kum cu April 18, 1999 asi. Amah cu atu lioah St. Paul Parish, Chuncung khua i hmunṭhu Tlangbawi asi.

Rev. Fr. Joseph Ro Nei Thang cu Falam peng Lungbum khuami asi i a Ordination hmuh kum cu April 11, 1999 asi. Amah hi tukum i a thar in dirhmi Parish thar, St. Theresa Parish, Simzawl khua (ahlan ahcun Lumbang Parish chungum) ah hmunṭhu Tlangbawi in rianṭuan dingmi asi.

An Jubilee puai ṭhatein an tuahkhawhnak ding caah le Pathian rianthiang kha nunzia thiangte le dam tein an ṭuankhawhnak ding caah thlacam bawmh cio hna u sih tiah RVA Hakha Service chungtel hna nih kan in sawm hna.

Add new comment

4 + 11 =