THLANG KOREA AH TLANGBAWI LE DEACON (41) AN HMUH

Seoul Thlang Korea Arachdiocese ah Deacon (41) nih Tlangbawi sinak Ordination an lak (February 3, 2024)

Thlang Korea ram Seoul Archidioce, Myeongdong Cathedral ah Deacons 25 le Tlangbawi 16 nih Ordination an ngah.

Bupi nih vawleicung hmuntinkip ah Tlangbawi can dingin kawhauhnak ngahtu an har lio ah Thlang Korea Archdiocese nih cun Tlangbawi le Deacon 41 nih Ordination cannak an hmuh.  

An Diocese i thawngpang an thanhnak ah Deacon thar pawl cu 25 an si i Tlangbawi thar pawl cu 16 an si i, Anmah i nunnak thar an thokcang tiah a chim. February ni 1 ah Deaconate Ordination cu Brother 25 nih an ngah i, atheizing February ni 2 ah Deacon 16 hna nih Tlangbawi cannak Ordination an hmuh.

Seoul Archdiocese ah minung 1.5 nuai (million) hrawng an um i, cu hmun le ram i mipum zatuak 15% cu Catholic zumtu Khrihfa hna an si. Tiduhnak cu Tlangbawi pakhat nih Catholic Khrihfa milu 1,400 hrawng an zohkhenh tinak asi. Kan tahchunh asiahcun New York i Diocese ah Tlangbawi pakhat nih Catholic Khrihfa milu 1,300 hrawng a zohkhenh.

Mexico City i Diocese ahcun Catholic Tlangbawi pakhat nih Catholic milu 3,400 hrawng a zohkhenh. Republic of Congo ram i Kinshasa Archdiocese ah Tlangbawi pakhat nih Zumtu Khrihfa 10,600 a zohkhenh.

Tlangbawi thar an hmuhnak le Deacon thar an ngahmi (41) an tamṭhan caah Seoul Archdioce ah Tlangbawi (985) an um cang tiah Archdiocese nih a langhter.