TIPIL INNI HI KAN CHUAHNI ASI (PAPA FRANCIS)

Sistine Chapel ah Pope Francis nih ngakchia (13) hna tipil a pek hna

Bawipa Tipil innak Puaini ah Pope Francis nih ngakchia (13) hna cu Sistine Chapel ah tipilnak a pek hna i Bupi chungah an ngakchia pawl an hruai caah an nulepa pawl kha lawmhnakbia a chim. By Linda Bordoni

Michelangelo nih a rohtak i a dawh ngaingaimi khaan chungah Pope Francis nih ngakchia (13) hna kha Bupi nih Bawipa Tipil innak Puai a tuahni ah tipilnak a pek. Pope nih ngakchia pawl i an nulepa hna sinah; Catholic Bupi chungah baptisma thawngin nihin an kalmi lam bantukin anmah hna kha pehzulhin kilven dingah rian nan ngei tiah a chim hna.

“Bupi chung luh dingin nan ngakchia pawl, hika ah nan ratpi caah ka lawm” tiah ah a chim i a luanciami caan ah a chim lengmang tawnmi bantuk khan Pope nih nulepa hna le lutlaitu hna kha nan ngakchia pawl i an tipil innak kong chim dingah, an puaini tuahpiak ding le Khrihfa an cannak thluchuah caah Pathian lawmh dingah forhnak a ngei.

“Nan fale hna i an tipil innak ni kha cawnpiak uh, cucu chuahni bantuk asi, zeicahtiah Baptisma thawngin kannih hna cu Khrihfa Nunnak ah hrinmi kan si”.

Ngakchia tete hi an hmet lio caan ah thlacam ding cawnpiak hna u, zeicahtiah “Thlacamnak hi nunnak lamthluan i thazaang petu asi, caanṭha chungah Pathian lawmhnak le chiatcaan ah thazaang hmuhnak asi” tiah a forhfial hna.

Abikin, Pope nih ngakchia hna kha kan Ngaknu thiang sinah thlacam thiamding in cawnpiak hna u; kan Nuu cu ahleicein lam a pialmi hna sinah; a kan naihpengtu asi. “Nuu hna cu khi bantuk an si i cucu a nganmi an si” tiah a sawm hna.  Nulepa hna nih ngakchia hna kha zaangdam in chiahding ah le ngakchia ṭah onh dingah a chim i a linhtuk mi an silonak theihfiang dingah le zalonak an hmuhnak hnga cah an pawṭam caan ah zohkhenh hna u tiah a chimh hna.

Abiapibik mi thil cu “Khrihfa hna kan si ti theithiam hna seh” tiah a chim.

“Nihin cu puaini asi. A dawhngai mi Khrihfa khualtlawn hramthawknak puaini asi. Hmailei fongchin in an kal khawhnak hnga caah nan ngakchia pawl kha nan bawmh hna lai. Anmah hna tipil inter awkah  hruai dingin nan biakhiahmi cungah ka lung a lawm”

Bawipa Tipil innak Puaini i Sistine Chapel chungah Holy See rianṭuantu hna i ngakchia pawl tipil peknak phunglam cu Pope St. John Paul II nih 1981 kum in tuah hram a thawkmi asi.

https://bit.ly/3Xg96tx