TLANG SUDAN HRUAITU HNA SIN POPE NIH A CHIMMI

Thlang Sudan ah Pope Francis

Thlang Sudan hruaitu hna sinah thisen luannak le tuahpalhnak din dingin Pope Francis nih a forhfial hna

Pope Francis cu cacawn ninga (3.2.023) ni ah Juba i President innpi ah bia a chim i thlang Sudan i ram hruaitu hna sinah tuahpalhmi pawl kaltak dingah zaangfah a nawl hna. Pope nih “thisen luannak, i alnak, tuahpalhnak, thil ṭhalo hna um ti hlah seh. Soiselnak umti hlah seh. Atu cu sakṭhanak caan asi. Rodohnak hna hnon in remdaihnak tuahcaan asi” tiah faknawn in a chim.

Pope cu Democratic Republic of Congo in a chuak hnu Juba International Airport ah an ram caan sml 2:45 pm ah a phan. Cun ram nawlngeitu, mipi pawl, thlang Sudan i diplomat pawl he an i ton. Amah nih thlang Sudan ramkhel hruaitu hna a ton i cu ram i nulepa hna sinah daihnak le hlawhtlinnak i hram asimi mibu i nunnak thar ter ding; cucu thlang Sudan fale hna nih an herh tiah a chim. Pa hna an herh, an duhlo nain fialding asilo, hmailei ah duhsah tein ṭhancho ter an hau, tlu ter ding asilo tiah Pope nih biapi ngai chiah in a chim.

Pope nih minung cova upat dingah abiapi in a chim. “Zalennak umlo in biatak a um kholo, hmailei fong caan asi, i thleng awk caan asi” tiah a chim. Pope nih ram hruaitu hna sinah an mipi pawl ngaihpiak dingah a chimchap rih. Ramkhel lei ṭhanchonak ding zong a forhfial. Amah nih “hi ram i ngakchia pawl nih an mah kut bakin an hmailei ca an tuah khawh lai” tiah a chim.

Hi leiṭhen i ngakchia pawl cu vawlei huap i ngakchia pawl bantukin an kut, an ca le, an zuk pawl he an ṭhangcho a hau, hriamhrei pawl he asilo” tiah Pope nih a chim. Pope a khualtlawnnak cu Canterbury Archbishop le Scottland Bupi General Assembly i Moderator he remdaihnak ca i an tlawnnak asi. Pope nih thlang Sudan i thlengnak caah a lungthin takin thla a campiak hna.

#Source >>> https://bit.ly/3HDWqqb

Add new comment

1 + 9 =